დღეს, 06.12.2024, საიას წარმომადგენელი აკვირდება თბილისის საქალაქო სასამართლოში მიმდინარე სისხლის სამართლის სხდომას, რომელზეც სასამართლო 8 პირის მიმართ აღკვეთის ღონისძიების გამოყენების საკითხს განიხილავს.
მათ პროკურატურა სისხლის სამართლის კოდექსის 225-ე და 18, 229-ე მუხლებით გათვალისწინებული დანაშაულის ჩადენას ედავება, რაც ჯგუფური ძალადობის ორგანიზებას და ხელმძღვანელობას, ასევე ჯგუფურ ძალადობაში მონაწილეობასა და აფეთქების მომზადებას გულისხმობს.
ბრალდებულთა შორის არიან:
1. ვეფხია კასრაძე
2. ვასილ კაძელაშვილი
3. გიორგი გორგაძე
4. ირაკლი მიმინოშვილი
5. ისაკ ალიევი
6. თორნიკე გოშაძე
7. ზვიად ცეცხლაძე
8. ნიკოლოზ ჯავახიშვილი
სხდომა 14:00 საათზე იყო ჩანიშნული, თუმცა ერთ საათიანი დაგვიანებით დაიწყო.
მოსამართლე: ირაკლი ხუსკივაძე
პროკურორები: ვაჟა თოდუა; შმაგი გობეჯიშვილი
საია დემონსტრაციებთან დაკავშირებულ სისხლის სამართლის საქმეებზე საზოგადოებას პერიოდულად მიაწვდის განახლებულ ინფორმაციას.
