საია აცხადებს კონკურსს იურისტის თანაშემწის პოზიციაზე.
საია ახორციელებს პროექტს „გენდერული ძალადობის წინააღმდეგ ბრძოლა და ქალებისთვის მართლმსაჯულების გაზრდის ხელშეწყობა.“ პროექტის მიზანია გენდერულ ძალადობასთან ბრძოლა მოწყვლადი ჯგუფებისთვის (კომერციული სექს-მუშაკები და წამალდამოკიდებული ქალები), სამართლებრივი საშუალებებისა და ჯანდაცვის სერვისებზე ხელმისაწვდომობის გაზრდის მეშვეობით.
პროექტი ხორციელდება ფონდი ღია საზოგადოება საქართველოს ფინანსური მხარდაჭერით.
სამუშაო გრაფიკი: არასრული
განაცხადის წარმოდგენის ბოლო ვადა: 2017 წლის 8 თებერვალი
ძირითადი ფუნქციები:
- დისკრიმინაციის გარეშე ადამიანის უფლებების დაცვა;
- პროექტის იურისტის დახმარება სამართლებრივი კონსულტაციების გაცემის, ასევე სამართლებრივი დოკუმენტების მომზადების პროცესში.
- კომუნიკაცია პარტნიორ ორგანიზაციებთან, ბენეფიციარებისთვის სამართლებრივი დახმარების მიწოდების მიზნით;
- პროექტის ხელმძღვანელის და იურისტის დახმარება პროექტის ფარგლებში ანგარიშებისა და კვლევების მომზადების პროცესში;
- პროექტით გათვალისწინებული სხვადასხვა ღონისძიების ორგანიზებაში მონაწილეობა.
საკვალიფიკაციო მოთხოვნები:
- ბაკალავრის ხარისხი სამართალმცოდნეობაში ან სამართლის საბაკალავრო პროგრამის დამამთავრებელი კურსის სტუდენტი (ადამიანის უფლებათა საერთაშორისო სამართალი და უმცირესობები);
- სასურველია ადვოკატის მოწმობა (სისხლის ან საერთო სამართლის სპეციალიზაციით);
- საოფისე კომპიუტერული პროგრამების ცოდნა;
- ქართული ენის სრულყოფილი ცოდნა;
- ინგლისური ენის ცოდნა ჩაითვლება პრიორიტეტად.
უნარ-ჩვევები:
- პასუხისმგებლობის მაღალი გრძნობა და გუნდური მუშაობის უნარი
- ეფექტური კომუნიკაციის უნარი
- მაღალი შრომის დისციპლინა
- შემჭიდროებულ ვადებში სამუშაოს დროულად შესრულების უნარი.
ეტაპები:
- განცხადებების გადარჩევა - პირველ ეტაპზე მოხდება წარმოდგენილი დოკუმენტების მიხედვით კანდიდატების შერჩევა;
- გასაუბრება - მეორე ეტაპზე გადასულ კანდიდატებთან გაიმართება გასაუბრება.
კონკურსში მონაწილეობის მსურველები ელექტრონული განაცხადის გასაკეთებლად მიყევით შემდეგ ლინკს.
საბუთების არასრულად მიღების შემთხვევაში კანდიდატის აპლიკაცია არ განიხილება!
საბოლოოდ შერჩეულ კანდიდატთან ორგანიზაცია გააფორმებს 3 თვიან ხელშეკრულებას გამოსაცდელი პერიოდით. ხელშეკრულების ვადის ამოწურვისას შეფასდება გაწეული საქმიანობა და აღნიშნულის გათვალისწინებით გადაწყდება მასთან შრომითი ურთიერთობის გაგრძელების საკითხი.
დასაქმებულის სამუშაოს ანაზღაურება შეადგენს 250 $ (დოლარის) ეკვივალენტს ეროვნულ ვალუტაში (დარიცხული).
ელექტრონული განაცხადის მიღების ბოლო ვადაა 2017 წლის 8 თებერვალი;
საკონტაქტო პირი: ანა ტაბიძე - 577441494;
ელ-ფოსტა: anitabidze@gyla.ge
