უკვე რამდენიმე წელია, რაც სამოქალაქო საზოგადოება საუბრობს ფარული მიყურადებისა და თვალთვალის მხრივ ქვეყანაში არსებულ პრობლემებზე და ამ მიმართულებით რეფორმის გატარების აუცილებლობაზე. ერთი წლის წინ, სამოქალაქო სექტორის წამომადგენლები საქართველოს პარლამენტში საკანონმდებლო ცვლილებების ინიციატივით შევიდნენ, თუმცა ამ ცვლილებების მიღებას ძალოვანი უწყებების მხრიდან მნიშვნელოვანი წინააღმდეგობა და შესაბამისად პროცესის გაჭიანურება მოჰყვა.
2014-05-13 13:51 სრულად ნახვაროგორც ცნობილია, 2014 წლის 6 მაისს ,,რუსთავი 2’’-მა ტელეკომპანიაში ფარული აუდიო-ვიზუალური თვალთვალის ამსახველი კადრები გაავრცელა. ამავე დღეს გამართულ პრესკონფერენციაზე არხის გენერალურმა დირექტორმა განაცხადა, რომ ფარული ჩანაწერები შსს-ს წარმომადგენლებმა მიაწოდეს. 2014 წლის 7 მაისს პროკურატურამ გაავრცელა განცხადება, სადაც აღნიშნულია, რომ ,,რუსთავი 2’’-ის მიერ გავრცელებულ ინფორმაციაზე დაიწყო გამოძიება სისხლის სამართლის კოდექსის 158-ე მუხლით (კერძო კომუნიკაციის საიდუმლოების დარღვევა).
2014-05-13 12:56 სრულად ნახვაანალიტიკოსის მოვალეობები: • სისხლის სამართლისა და პენიტენციალური სამართლის მიმართულებით მუშაობა და ამ სფეროში საკანონმდებლო და პრაქტიკაში არსებული პრობლემური საკითხების ინდენტიფიცირება; • საიას იურიდიული დახმარების ცენტრების მიერ მოპოვებული ინფორმაციის გაანალიზება და განზოგადება; • სისხლის სამართლის პოლიტიკის დოკუმენტებზე მუშაობა, საერთაშორისო აქტებსა და რეკომენდაციების ტექსტებზე მუშაობა; • კვლევების მომზადება და რეკომენდაციების შემუშავება; • ორგანიზაციის სახელით სხვადასხვა სამუშაო ჯგუფებსა და კომისიებში მონაწილეობა; • საიას შინაგანაწესით განსაზღვრული ვალდებულებების შესრულება
2014-05-13 11:10 სრულად ნახვაჩვენ შეშფოთებას იწვევს ოკუპირებულ ტერიტორიებიდან იძულებით გადაადგილებულ პირთა, ლტოლვილთა და განსახლების მინისტრ დავით დარახველიძის ჰომოფობიური შეფასებები, რომელიც მან გაზეთ "ვერსიასთან" 9 მაისს მიცემულ ინტერვიუში გააკეთა.
2014-05-12 18:02 სრულად ნახვა8 მაისს ძალაში შევიდა „დისკრიმინაციის ყველა ფორმის აღმოფხვრის შესახებ“ საქართველოს კანონი. აღნიშნული კანონის მიზანია „დისკრიმინაციის ყველა ფორმის აღმოფხვრა და ნებისმიერი ფიზიკური და იურიდიული პირისათვის საქართველოს კანონმდებლობით დადგენილი უფლებებით თანასწორად სარგებლობის უზრუნველყოფა, რასის, კანის ფერის, ენის, სქესის, ასაკის, მოქალაქეობის, წარმოშობის, დაბადების ადგილის, საცხოვრებელი ადგილის, ქონებრივი ან წოდებრივი მდგომარეობის, რელიგიის ან რწმენის, ეროვნული, ეთნიკური ან სოციალური კუთვნილების, პროფესიის, ოჯახური მდგომარეობის, ჯანმრთელობის მდგომარეობის, შეზღუდული შესაძლებლობის, სექსუალური ორიენტაციის, გენდერული იდენტობისა და გამოხატვის, პოლიტიკური ან სხვა შეხედულების ან სხვა ნიშნის მიუხედავად.“ მისასალმებელია, რომ ზეწოლის მიუხედავად, საქართველოს პარლამენტმა და მთავრობამ გამოიჩინეს მტკიცე ნება და მადისკრიმინირებელი ნიშნების ჩამონათვალში, სხვა შიდა საკანონმდებლო აქტების მსგავსად, მიუთითეს „სექსუალური ორიენტაცია“ და „გენდერული იდენტობა“. კანონის წინაშე თანასწორობის კონსტიტუციური პრინციპის უზრუნველსაყოფად აუცილებელია გამონაკლისების გამორიცხვა, თანასწორობის უფლების უზრუნველყოფა ყველასთვის და არა მხოლოდ ცალკეული სოციალური ჯგუფებისათვის.
2014-05-10 12:29 სრულად ნახვაგზამკვლევი დაეხმარება ჟურნალისტებს და მედიასაშუალებებს მიიღონ დეტალური ინფორმაცია 2014 წლის ადგილობრივი თვითმმართველობის არჩევნების გაშუქების წესების შესახებ. ,,მედია და არჩევნები 2014’’ შეიცავს ინფორმაციას: · საარჩევნო პერიოდში და არჩევნების დღეს მედიის ვალდებულებების შესახებ; · მედიის უფლებების შესახებ, რომელთა ცოდნაც ხელს შეუწყობს ჟურნალისტებს არჩევნების ეფექტურად და თავისუფლად გაშუქებაში.
2014-05-09 00:19 სრულად ნახვა2014 წლის 11 აპრილს საქართველოს მთავრობაში წარდგენილი იქნა მოქალაქეების კახა კოჟორიძისა და დალი მამულაშვილის ადმინისტრაციული საჩივარი, რომლითაც საქართველოს კულტურისა და ძეგლთა დაცვის მინისტრის იმ გადაწყვეტილების ბათილობა იქნა მოთხოვნილი, რის საფუძველზეც შპს „RMG Gold”-მა საყდრისი ყაჩაღიანის არქეოლოგიურ ობიექტზე მსხვილმასშტაბიანი სამუშაოების წარმოების უფლება მიიღო. 2014 წლის 7 მაისს საჩვირის ავტორებმა საქართველოს მთავრობის კანცელარიიდან მიიღეს შეტყობინება, რომ მიღებული იქნა გადაწყვეტილება ადმინისტრაციული საჩივრის განხილვაზე უარის თქმის შესახებ, იმ მოტივით, თითქოსდა საჩივარი შეტანილი იყო არაუფლებამოსილი პირების მიერ.
2014-05-08 15:01 სრულად ნახვა6 მაისს "რუსთავი 2-ის" გენერალურმა დირექტორმა ნიკა გვარამიამ და ტელეკომპანიის თანამშრომლებმა სპეციალური განცხადება გაავრცელეს. გენერალური დირექტორის ინფორმაციით, ტელეკომპანიაში აუდიო-ვიზუალური თვალთვალი მიმდინარეობდა. ნიკა გვარამიამ მისი და მისი მოადგილის ნინო შუბლაძის სამუშაო ოთახებში მოსასმენი და სათვალთვალო აპარატურით გადაღებული ვიდეომასალა მედიას წარუდგინეს. გვარამიას განცხადებით, ვიდეომასალა, მათმა ინფორმატორმა შინაგან საქმეთა სამინისტროდან მოიპოვა და მასზე კაბინეტებში მიმდინარე საუბრებია ჩაწერილი.
2014-05-07 20:00 სრულად ნახვადღეს, 6 მაისს, 11:00 საათზე საქართველოს ახალგაზრდა იურისტთა ასოციაციამ, საქართველოს მთავარ პროკურატურას საყდრისი-ყაჩაღიანის არქეოლოგიურ ობიექტთან დაკავშირებით სისხლის სამართლის საქმის გამოძიების დაწყების შესახებ განცხადებით მიმართა.
2014-05-06 13:40 სრულად ნახვასაიას თბილისის ოფისის დახმარებით მეწარმეს უკანონოდ ჩამორთმეული საქონლის ღირებულება _ 77 161.20 ლარი აუნაზღაურდება საიას თბილისის ოფისი იურიდიულ დახმარებას უწევდა ბ.ქ.-ს. ბ.ქ. წარმოადგენდა ინდივიდუალურ მეწარმეს, რომელსაც საგადასახადო სამართალდარღვევის ოქმის საფუძველზე ჩამოერთვა სამეწარმეო საქმიანობისათვის განკუთვნილი საქონელი. თბილისის სააპელაციო სასამართლოს გადაწყვეტილებით შემოსავლების სამსახურის საგადასახადო სამართალდარღვევის ოქმი და საგადასახადო მოთხოვნა ბათილად იქნა ცნობილი და ბ.ქ.-ს მიეცა უფლება უკან დაებრუნებინა ჩამორთმეული ქონება.
2014-05-05 11:44 სრულად ნახვა