სამუშაო საათები: ორშ-პარ (10:00 - 18:00)

საქართველოს ახალგაზრდა იურისტთა ასოციაცია ხელვაჩაურში მიწის ნაკვეთებზე საკუთრების უფლების მასიური ჩამორთმევის ფაქტებს აპროტესტებს

2007 წლის 11 მარტს საქართველოს პარლამენტის მიერ მიღებული იქნა კანონი „ფიზიკური და კერძო სამართლის იურიდიული პირების მფლობელობაში (სარგებლობაში) არსებულ მიწის ნაკვეთებზე საკუთრების უფლების აღიარების შესახებ,“ რომელსაც დაინტერესებული პირებისათვის უნდა დაეკანონებინა მათ მფლობელობასა და სარგებლობაში არსებული მიწის ნაკვეთები და ამით სახელმწიფოს წინაშე მდგარი მიწის ფონდის ათვისების დიდი ხნის პრობლემა მოეგვარებინა. როგორც რეალობამ აჩვენა, კანონი რიგ შემთხვევაში ე.წ. „ქონების ლეგალიზაციის“ ნაცვლად კონკრეტული წინასაარჩევნო მიზნების მიღწევას ემსახურებოდა. ასე მოხდა ხელვაჩაურში, როდესაც პრეზიდენტის არჩევნების წინ, ხელვაჩაურის მუნიციპალიტეტის საკრებულოს საკუთრების უფლების აღიარების კომისიამ ასეულობით მოქალაქეზე მასიურად გასცა საკუთრების უფლების მოწმობები სათანადო დოკუმენტაციის წარმოდგენის ან წარმოდგენილი დოკუმენტების შემოწმების გარეშე.

2009-03-09 20:00 სრულად ნახვა

საქართველოს ახალგაზრდა იურისტთა ასოციაციამ კონკურსში გამარჯვებულები დააჯილდოვა

8 მარტს, ქალთა საერთაშორისო დღეს, არსის გალერეაში საიასა და ფოტოგრაფთა კლუბ „GRAF.GE“-სერთობლივ კონკურსში გამარჯვებულები გამოვლინდნენ.

2009-03-09 20:00 სრულად ნახვა

საქართველოს ახალგაზრდა იურისტთა ასოციაცია და ფოტოკლუბი გრაფი კონკურსს აცხადებენ

ქალთა დღის მოახლოებასთან დაკავშირებით საია და ფოტოგრაფთა კლუბი გრაფი აცხადებენ კონკურსს, რომელიც მიმართული იქნება ქალთა მიმართ ძალადობის წინააღმდეგ.კონკურსში მონაწილეობა შეუძლიათ როგორც მოყვარულ, ასევე პროფესიონალ ფოტოგრაფებს.მონაწილეობის მსურველებმა, ფოტოგრაფთა კლუბის ვებ-გვერდზე www.graf.ge სპეციალურ გალერეაში უნდა განათავსონ საკუთარი ნამუშევარი, რომელიც თემატურად უნდა ასახავდეს პროექტის მიზნებს. ასევე, ნამუშევარზე უნდა განთავსდეს მოცემული სამი სლოგანიდან ერთ-ერთი:1.    ნამდვილი მამაკაცები ქალზე არ ძალადობენ!2.    ქალზე ძალადობა სირცხვილია!3.    ნუ დაჩაგრავ ქალს!სლოგანის დიზაინი (ფონტი, ფერი და ა.შ.) არ არის შეზღუდული. ასევე, ნამუშევარში დასაშვებია გრაფიკული ჩარევაც.გამარჯვებულებს გამოავლენს ახალგაზრდა იურისტთა ასოციაციის თანამშრომლებისგან დაკომპლექტებული სპეციალური ჟიური.

2009-02-24 20:00 სრულად ნახვა

საქართველოს ახალგაზრდა იურისტთა ასოციაცია ენერგეტიკის სამინისტროსა და “ინტერ რაო ეეს”-ს შორის გაფორმებული მემორანდუმის გასაიდუმლოებას ასაჩივრებს

საქართველოს ენერგეტიკის სამინისტროსა და კომპანია “ინტერ რაო ეეს”-ს შორის 2008 წლის 30 დეკემბერს გაფორმდა ურთიერთგაგების მემორანდუმი. საზოგადოების აქტიური დაინტერესების მიუხედავად აღნიშნული დოკუმენტი არ არის ხელმისაწვდომი დაინტერესებული პირებისათვის.საქართველოს ახალგაზრდა იურისტთა ასოციაცია მიიჩნევს, რომ ქვეყნის ენერგეტიკის სფეროში უმნიშვნელოვანესი გადაწყვეტილებების მიღებისას საზოგადოებრივი ინტერესი აღემატება კერძო პირების კომერციული ინტერესებს და დაუშვებელია მათი გასაიდუმლოება. აღნიშნული მით უფრო ხელშესახები ხდება მაშინ, როდესაც სახელმწიფო დაწესებულება ვერ ასაბუთებს კონკრეტულად რა ზიანი შეიძლება მოიტანოს დოკუმენტების გასაჯაროებამ.საიამ აღნიშნული მემორანდუმი გამოითხოვა  2009 წლის 16 იანვარს და კომერციული საიდუმლოების მოტივით ინფორმაციის გაცემაზე უარი, ადმინისტრაცული საჩივრით, გაასაჩივრა საქართველოს ენრეგეტიკის მინისტრთან.

2009-02-19 20:00 სრულად ნახვა

ახალგაზრდა იურისტთა ასოციაცია ადამიანის უფლებათა ევროპულ (სტრასბურგის) სასამართლოში რუსეთის წინააღმდეგ აგვისტოს ომის დროს დაზარალებულ 340 დევნილს დაიცავს

აგვისტოს მოვლენების შემდეგ საქართველოს არაერთი მოქალაქე დაზარალდა, რუსი ოკუპანტების მიერ შეილახა მათი ფუნდამენტური უფლებები.კერძოდ:1.    მასობრივად ხდებოდა მოქალაქეთა უკანონოდ დაკავება და მათი ტყვეობაში ყოფნა. ტყვეობაში ყოფნის პერიოდში იძულებულნი იყვნენ გაეწიათ მონური შრომა;2.    მრავალმა მათგანმა დაკარგა ახლობლები და ასევე რეალური საფრთხე შეექმნა მათ სიცოცხლეს;3.    დაზარალებულთა ნაწილი გახდა წამების, არაადამიანური და დამამცირებელი მოპყრობის მსხვერპლი.4.    ასევე მასობრივად ხდებოდა ქონების განადგურება. დიდი და პატარა ლიახვის ხეობაში მცხოვრებ ქართველთა უმრავლესობის სახლები მთლიანად გადამწვარია.

2009-02-11 20:00 სრულად ნახვა

პატიმრებმა საიას დახმარება თხოვეს

ამა წლის 3 თებერვალს ახალაგაზრდა იურისტთა ასოციაციას, სასჯელაღსრულების დეპარტამენტის ქსნის #7 საერთო, მკაცრი და საპყრობილის რეჟიმის დაწესებულებიდან წერილობით მიმართა 34 მსჯავრდებულმა.განცხადებაზე ხელმოწერით მსჯავრდებულები ერთხმად ადასტურებდნენ დაწესებულებაში არსებულ გაუსაძლის პირობებს, რაც მათივე თქმით  დაწესებულების ადმინისტრაციის უკანონო მოქმედებაში, მძიმე სანიტარულ-ჰიგიენურ პირობებში და ადეკვატური სამედიცინო მომსახურეობის უგულებელყოფაში გამოიხატებოდა.2009 წლის 5 თებერვალს, საქართველოს ახალგაზრდა იურისტთა ასოციაციამ ადგილზევე შეისწავლა დაწესებულებაში არსებული მდგომარეობა, რითაც მსჯავრდებულების მიერ მოწოდებული ინფორმაცია გაუსაძლის პირობებთან დაკავშირებით იქნა გადამოწმებული და დადასტურებული.ახალგაზრდა იურისტთა ასოციაცია მოუწოდებს უფლებამოსილ პირებს დროულად შეისწავლონ სასჯელაღსრულების დეპარტამენტის #7 საპყრობილეში არსებული პრობლემები და შესაბამისი რეაგირება მოახდინონ.

2009-02-06 20:00 სრულად ნახვა

ახალგაზრდა იურისტთა ასოციაცია ჟურნალისტებზე მუქარის ფაქტებს აპროტესტებს

5 თებევრალს საიას თავმჯდომარემ თამარ ხიდაშელმა და რეგიონული მედიის ასოციაციის თავმჯდომარემ ია მამალაძემ ერთობლივ ბრიფინგს გამართეს.საქმე ეხება ჩოხატაურის საკრებულოს თავმჯდომარის, ანტონ ხუნდაძის მიერ გაზეთის „გურია ნიუსის“ ჟურნალისტების მიმართ ფიზიკური ანგარიშსწორების მუქარის ფაქტებს.ბრიფინგზე საიამ წარმოადგინა აუდიო ჩანაწერი, სადაც ხუნდაძე ღიად ამბობს, რომ იმ ჟურნალისტს, რომელმაც მას აწყენინა „კაცურად გაუსწორდება“.

2009-02-04 20:00 სრულად ნახვა

საქართველოს კონსტიტუციური კანონის პროექტზე "საქართველოს კონსტიტუციაში ცვლილებებისა და დამატებების შეტანის შესახებ" საია დაკვნას აქვეყნებს

საქართველოს ახალგაზრდა იურისტთა ასოციაცია საქართველოს კონსტიტუციური კანონის პროექტზე "საქართველოს კონსტიტუციაში ცვლილებებისა და დამატებების შეტანის შესახებ" დაკვნას აქვეყნებს.საია მიიჩნევს, რომ შემოთავაზებული ცვლილებები რეალურად არ ცვლის ხელისუფლების შტოთა ბალანსს და არ ხდება პარლამენტის უფლებამოსილებების არათუ ”მნიშვნელოვანი”, არამედ მცირედი გაძლიერებაც კი.იხილეთ დასკვნა საქართველოს კონსტიტუციური კანონის პროექტზე "საქართველოს კონსტიტუციაში ცვლილებებისა და დამატებების შეტანის შესახებ"

2009-01-24 20:00 სრულად ნახვა

საქართველოს ახალგაზრდა იურისტთა ასოციაციის განცხადება “დიდი ათეულის” გარშემო განვითარებულ მოვლენებთან დაკავშრებით

საქართველოს ახალგაზრდა იურისტთა ასოციაცია მიიჩნევს, რომ “საზოგადოებრივი მაუწყებლის” გადაცემასთან “დიდი ათეული” დაკავშირებით მიმდინარე დისკუსიამ შესაძლოა საზოგადოებისათვის არასასურველი განვითარება ჰპოვოს. ასეთ ვითარებაში განსაკუთრებული პასუხისმგებლობა სწორედ საზოგადოებრვი მაუწყებლობის ხელმძღვანელ პირებს ეკისრებათ.დაპირისპირება გამოხატვის თავისუფლებასა და აღმსარებლობის თავისუფლებას შორის არ არის სიახლე. მთავარია, ეს დაპირისპირება კანონის ფარგლებში გადაწყდეს და მისი გადაჭრისას არ მოხდეს ერთ-ერთი უმნიშვნელოვანესი ღირებულების _ კანონის უზენაესობის უგულებელყოფა. ყველაზე სავალალო შედეგად საქართველოს ახალგაზრდა იურისტთა ასოციაცია სწორედ კონკრეტული გადაწყვეტილების კანონის გვერდის ავლით მიღებას მიიჩნევს.

2009-01-20 20:00 სრულად ნახვა

საქართველოს ახალგაზრდა იურისტთა ასოციაციის განცხადება ჟურნალში “ცხელი შოკოლადი” გამოქვეყნებულ “არშემდგარ დისკუსიასთან” დაკავშირებით

საზოგადოებრივი დისკუსია გამოიწვია ჟურნალის “ცხელი შოკოლადი” დეკემბრის ნომერში გამოქვეყნებულმა სტატიამ “არშემდგარი დიალოგი”. განხილვის თემა “საზოგადოებრივი მაუწყებლის” გენერალური დირექტორის მოადგილის, გია ჭანტურიას მიერ გამოხატული შეუწყნარებლობის გამომხატველი მოსაზრებები გახდა. გამოხატვის თავისუფლება ის უზენაესი ღირებულებაა, რომელიც თითოეულ ადამიანს აძლევს უფლებას გამოთქვას თავისი აზრი, თუნდაც სხვისთვის მიუღებელი. თუმცა, ევროპის საბჭომ ცალკე რეკომენდაცია შეიმუშავა “მედიისა და შემწყნარებლობის კულტურის განმტკიცების შესახებ”, რომელშიც ხაზს უსვამს, რომ განსაკუთრებით მიესალმება “მედიის პროფესიონალთა ინიციატივებს, განამტკიცონ შემწყნარებლობის კულტურა, აღნიშნავს რა, რომ ეს უკანასკნელნი განსაკუთრებით ხელსაყრელ მდგომარეობაში იმყოფებიან იმისათვის, რათა ხელი შეუწყონ ამ ინიციატივებს და უზრუნველყონ მათი ზოგადი აღიარება მედიის ყველა სექტორში.”

2009-01-12 20:00 სრულად ნახვა