წელს, საქართველოს ახალგაზრდა იურისტთა ასოციაციის ორგანიზებით აღნიშნულ თემაზე ივ.ჯავახიშვილის სახელობის თბილისის სახელმწიფო უნივერსიტეტში ჩატარდა ლექცია/დისკუსია და განხილულ იქნა შემდეგი საკითხები:

 

• რა შეიძლება ჩაითვალოს წამებად და არასათანადო მოპყრობად (ადამიანის უფლებათა ევროპული სასამართლოს პრაქტიკის მიხედვით);

• რატომ გახდა წამება და არასათანადო მოპყრობა სისტემური პრობლემა;

• რა მდგომარეობაა დღეს სასჯელაღსრულების დაწესებულებებში;

• როგორ უნდა მოხდეს წამების მსხვერპლთა რეაბილიტაცია და როგორია სახელმწიფოს სტრატეგია ამ მიმართულებით;

• მიმდინარეობს თუ არა წამების ფაქტების ეფექტური გამოძიება;

• როგორია საზოგადოების დამოკიდებულება წამებისა და არასათანადო მოპყრობის მიმართ და აუცილებელია თუ არა საზოგადოების ცნობიერების ამაღლება; 

• და ბოლოს, რა არის საჭირო წამებისა და არასათანადო მოპყრობის პრევენციისათვის.

 

დისკუსიაში მონაწილეობა მიიღეს სახალხო დამცველმა, სასჯელაღსრულების, პრობაციისა და იურიდიული დახმარების საკითხთა სამინისტროს, პროკურატურის, არასამთავრობო სექტორისა და მედიის წარმომადგენლებმა, სტუდენტებმა და სხვა დაინტერესებულმა პირებმა.