17 ნოემბერს, საქართველოს ახალგაზრდა იურისტთა ასოციაციის ოფისში სამუშაო შეხვედრა გაიმართა, რომელიც მიზნად 2006 წლის 10 დეკემბერს საჯარო დაწესებულებების მიერ საქართველოს პრეზიდენტისა და პარლამენტისადმი წარსადგენი ანგარიშების სრულყოფილი შედგენისთვის ხელშეწყობას ისახავდა. შეხვედრას ოცდაათი საჯარო დაწესებულების წარმომადგენელი ესწრებოდა. ისინი პასუხისმგებელი არიან აღნიშნული ანგარიშის შედგენასა და საჯარო ინფორმაციის გაცემაზე. საქართველოს ახალგაზრდა იურისტთა ასოციაციამ საქართველოს ზოგადი ადმინისტრაციული კოდექსის მიღებიდან დღემდე საჯარო დაწესებულებების მიერ საქართველოს პრეზიდენტისა და პარლამენტისადმი წარდგენილი ანგარიშების მონიტორინგის შედეგები წარმოადგინა.
2006-11-16 20:00 სრულად ნახვასაქართველოს ახალგაზრდა იურისტთა ასოციაციის სახელით ანა დოლიძე ესწრებოდა ევროპის საბჭოს ქვეყნების ადამიანის უფლებების დამცველების შეხვედრას სტრასბურგში. მან მოხსენება გააკეთა საქართველოში ადამიანის უფლებების დამცველთა მდგომარეობაზე, კერძოდ გამოხატვის, შეკრების და მანიფესტაციების, ინფორმაციის ხელმისაწვდომობის უფლებათა შეზღუდვებზე საქართველოში. შეკრებაზე მოხსენებებით გამოვიდნენ სხვადასხვა საერთაშორისო ორგანიზაციების წარმომადგენლები, FIDH, OMCT და Front Line, რომლებმაც ახსენეს ასოციაციის წევრის, ლელა ბექაურის მიმართ ადგილობრივი არჩევნების წინ მომხდარი მუქარის ფაქტი. დამატებითი ინფორმაცია ღონისძიების შესახებ შეგიძლიათ იხილოთ ევროპოს საბჭოს ვებ-გვერდზე.
2006-11-15 20:00 სრულად ნახვასაქართველოს ახალგაზრდა იურისტთა ასოციაციას ახალი თავმჯდომარე ჰყავს. საიას გამგეობამ 10 ნოემბერს გამგეობის თავმჯდომარედ გიორგი ჩხეიძე და თავმჯდომარის მოადგილედ ლალი ჩხეტია აირჩია. საქართველოს ახალგაზრდა იურისტთა ასოციაციის წესდების თანახმად, გამგეობის თავმჯდომარე ირჩევა ერთი წლით. ერთი და იგივე პირი შეიძლება იყოს თავმჯდომარე ზედიზედ ორჯერ. გიორგი ჩხეიძემ ანა დოლიძე შეცვალა, რომელიც 2004-2006 წლებში საქართველოს ახალგაზრდა იურისტთა ასოციაციის თავმჯდომარე გახლდათ.
2006-11-13 20:00 სრულად ნახვასაქართველოს ახალგაზრდა იურისტთა ასოციაცია (საია) დაფუძნებიდან დღემდე აქტიურად არის ჩართული საქართველოში სხვადასხვა დონის არჩევნების მონიტორინგის პროცესში. იმ ჭეშმარიტების გათვალისწინებით, რომ არჩევნები არ იწყება კენჭისყრის დღეს, ცხადზე ცხადია, ნებისმიერი არჩევნების კანონიერების, დემოკრატიულობის თუ გამჭვირვალობის დასადგენად აუცილებელია, განსაკუთრებული ყურადღება მიექცეს წინასაარჩევნო კამპანიას. 2006 წლის ადგილობრივი წარმომადგენლობითი ორგანოს – საკრებულოს არჩევნები განსაკუთრებით საინტერესოა წინასაარჩევნო კამპანიის თვალსაზრისით. წინასაარჩევნო კამპანიის მონიტორინგი წარიმართა პროექტის ‘ადგილობრივი არჩევნები საქართველოში: სამართლიანი თამაში’ ფარგლებში, რომელიც ხორციელდება ამერიკული ორგანიზაცია ‘ეროვნული წვლილი დემოკრატიისათვის’ ფინანსური მხარდაჭერით. განხორციელებული საქმიანობის მიზანს წარმოადგენდა საქართველოს საარჩევნო კოდექსით გათვალისწინებული ნორმების დაცვის მონიტორინგი.
2006-11-07 20:00 სრულად ნახვა13-15 ოქტომბერს ქ. ოსლოში (ნორვეგია) გაიმართა საერთაშორისო ქსელის “გამოაქვეყნე რასაც იხდი” (www. publishwhatyoupay.org) სტრატეგიული შეხვედრა. “საჯარო ფინანსების გამჭვირვალობისათვის” (www.publicfinance.ge) საზოგადოებრივ ორგანიზაციათა კოალიციის ფარგლებში მასში მონაწილება მიიღო საქართველოს ახალგაზდა იურისტთა ასოციაციის “ბაქო-თბილისი-ჯეიჰანის მილსადენის კომპანიისა და საქართველოს მთავრობას შორის გაფორმებული საგრანტო პროგრამის საზოგადოებრივი მეთვალყურეობა” პროგრამის დირექტორმა ქეთევან კვინიკაძემ. მსოფლიოს სხვადასხვა ქვეყნის საზოგადოებრივ ორგანიზაციათა ორასამდე წამომადგენელმა შეიმუშავა საერთაშორისო ქსელის დეტალური სამოქმედო გეგმა და სტრატეგია. ქსელის მუშაობის მთავარ მიზანს წარმოადგენს სასარგებლო წიაღისეულით მდიდარ ქვეყნებში მომპოვებითი მრეწველობის გამჭვირვალობის ხელშეწყობა.
2006-10-22 20:00 სრულად ნახვავიწვევთ იურიდიული (საერთაშორისო სამართლის) ფაკულტეტის სტუდენტებს საერთაშორისო საჯარო და კერძო სამართლის იმიტირებულ სასამართლო პროცესებში მონაწილეობის მისაღებად: ფილიპ ჯესაპის სახელობის საერთაშორისო სამართლის იმიტირებული სასამართლო პროცესი - ვაშინგტონი, აშშ, 25-31 მარტი, 2007წ. ტელდერსის სახელობის საერთაშორისო სამართლის იმიტირებული სასამართლო პროცესი - ჰააგა, ნიდერლანდები, 12-14 აპრილი, 2007წ. ცენტრალური და აღმოსავლეთ ევროპის იმიტირებული სასამართლო პროცესი (ევროკავშირის სამართალში) – ბუდაპეშტი, უნგრეთი, 4-7 მაისი, 2007წ. ELSA-ს იმიტირებული პროცესი მსოფლიო სავაჭრო ორგანიზაციის სამართალზე – ჟენევა, შვეიცარია, 1-5 მაისი, 2007წ. ვილემ ვისის სახელობის იმიტირებული საერთაშორისო კომერციული არბიტრაჟი – ვენა, ავსტრია, 30 მარტი - 5 აპრილი, 2007წ. ყველა შეჯიბრება ტარდება ინგლისურ ენაზე და მასში მონაწილეობის მიღება შეუძლია 2-4 მონაწილისაგან შემდგარ გუნდს. მონაწილეობის მსურველებს ვთხოვთ გამოგზავნონ ავტობიოგრაფია (CV) ინგლისურ ენაზე, 2006 წლის 1 ნოემბრამდე, შემდეგ მისამართზე: competitions_georgia@yahoo.com დამატებითი ინფორმაციისათვის შეგიძლიათ დაუკავშირდეთ: არჩილ გიორგაძეს – 899 50 30 41 / ნინო ნემსაძეს – 895 22 12 24 ელ.ფოსტა: competitions_georgia@yahoo.com
2006-10-19 20:00 სრულად ნახვასაქართველოს ახალგაზრდა იურისტთა ასოციაცია პროექტის "ფინანსური გამჭვირვალობა და ანტიკორუფციული მონიტორინგი" ფარგლებში აცხადებს სტატიათა კონკურსს თემაზე "ინფორმაციის თავისუფლება: ადამიანის ფუნდამენტური უფლება?" კონკურსში მონაწილეობის მსურველები უნდა იყვნენ იურისტები ან იურიდიული ფაკულტეტის სტუდენტები.
2006-10-13 20:00 სრულად ნახვასაქართველოს ახალგაზრდა იურისტთა ასოციაციამ (საია) გერმანიის ფედერაციული რესპუბლიკის, ნიდერლანდების სამეფოს და ბრიტანეთის საელჩოების, ასევე ევროპის კავშირის ფინანსური მხარდაჭერით განახორციელა ქ. თბილისში, ქ. ქუთაისსა და ქ. ბათუმში ადგილობრივი თვითმმართველობის ორგანოს – საკრებულოს 2006 წლის 5 ოქტომბრის არჩევნების დაკვირვება. მოცემული ანგარიში შეეხება კენჭისყრის დღის ფარგლებში განხორციელებულ საქმიანობას და დაფიქსირებულ დარღვევებს. საქართველოს ახალგაზრდა იურისტთა ასოციაციის მიერ ადგილობრივი თვითმმართველობის არჩევნების თბილისში, ქუთაისსა და ბათუმში დაკვირვების შედეგად გამოიკვეთა შემდეგი ძირითადი პრობლემები:
2006-10-12 20:00 სრულად ნახვასაქართველო-რუსეთს შორის ბოლო დროს გართულებულმა ურთიერთობებმა პირველ რიგში დააზარალა საქართველოს მოქალაქეები. უკანასკნელი ერთი კვირის განმავლობაში მასობრივად ხდება საქართველოს მოქალაქეების გამოძევება რუსეთის ფედერაციიდან. მოუხედავად იმისა, რომ ყველა სუვერენული სახელმწიფოს უფლებაა თავად აირჩიოს საკუთარი მიგრაციული პოლიტიკის განხორიციელების ლეგიტიმური საშუალებები, საქართველოს მოქალაქეების კოლექტიური დეპორტაცია, საერთაშორისო სამართლებრივი პრინიციპებით უზრუნველყოფილი გარანტიებისა უხეში დარღვევით, და ამასთანავე, პატივისა და ღირსების დამამცირებელი ფორმით, დაუშვებელია და წარმოადგენს თავად რუსეთის კანონმდებლობითა და საყოველთაოდ აღიარებული ფუნდამენტური უფლებების უხეშ დარღვევას. აქედან გამომდინარე, საქართველოს ახალგაზრდა იურისტთა ასოციაცია მიმართავს ყველა იმ დეპორტირებულ მოქალაქეს, რომელსაც გააჩნდა რუსეთის ფედერაციაში ყოფნის სამართლებრივი საფუძველი მოგვმართოს საიას თბილისის ოფისში.
2006-10-08 20:00 სრულად ნახვახვალ, 8 ოქტომბერს, 11.00 საათზე შერატონ მეტეხი პალასში საქართველოს ახალგაზრდა იურისტთა ასოციაცია გასაფერადებელი ზღაპრის წიგნის “სახლი ათასწლეულის ქუჩაზე” პრეზენტაციას გამართავს. აქვე გაიმართება იმ ბავშვთა დაჯილდოება, რომლებმაც ასოციაციაში ათასწლეულის ბარათები გამოაგზავნეს. ბავშვები საქართველოს სხვადასხვა კუთხიდან იქნებიან მოწვეული. შეგახსენებთ, რომ პირველ ივნისს ახალგაზრდა იურისტთა ასოციაციამ აქცია გამართა სახელწოდებით “ბავშვების მომავალი სიღარიბის გარეშე”. 1000 ათასწლეულის ბარათი 1000 საჰაერო ბურთან ერთად ჰაერში აფრინდა. მას შემდეგ, რაც საჰაერო ბურთები ჰაერში გასკდნენ, ათასწლეულის ბარათები დედამიწაზე დაეცნენ. ასოციაცია იმ 39 ბავშვს დააჯილდოებს, რომლებმაც ბარათები იპოვეს და გამოგვიგზავნეს. საჩუქარს მიიღებს პრეზენტაციაზე მოსული ყველა ადამიანი. ჩვენს ვებგვერდზე თქვენ იხილავთ ბავშვის წერილს, რომელიც ბაღდათის რაიონიდან მივიღეთ. დამატებითი ინფორმაციისათვის დაგვიკავშირდით: თორნიკე გურული 893 28 13 27 ბავშვის წერილი
2006-10-06 20:00 სრულად ნახვა