ჯარიმა პოლიტიკური ნიშნით

2016 წლის 31 აგვისტოს „ერთიანი ნაციონალური მოძრაობის“ ქობულეთის ახალგაზრდული ორგანიზაციის აქტივისტებმა - თენგიზ გოგმაჩაძემ, გიორგი ანდღულაძემ, ზაზა ხაჯიშვილმა, გურამ ძირკვაძემ და ილია ბეჟანიძემ  ავტობუსის მოსაცდელებსა და  ნაგვის ურნებზე გააკრეს სტიკერები: „დაასუფთავეთ ქობულეთი“, „პატარაძე მიხედე - ეს ქობულეთია“.

აღნიშნულის გამო „ნაციონალური მოძრაობის“ აქტივისტები ქობულეთის პოლიციის განყოფილებაში დაიბარეს და დაკითხეს. რა დროსაც მათ განუმარტეს, რომ  დაარღვიეს ადმინისტრაციული კოდექსის 150-ე მუხლის I და II ქვეპუნქტები, რაც ქალაქის იერსახის დამახინჯებას გულისხმობს.

ბათუმის საქალაქო სასამართლომ 5 სექტემბერს განიხილა აღნიშნული საქმე და 2 აქტივისტს - თენგიზ გოგმაჩაძესა და გიორგი ანდღულაძეს - 50-50 ლარიანი ჯარიმა დააკისრა ქალაქის იერსახის დამახინჯებისათვის.

საიას მონიტორები ესწრებოდნენ სხდომას. მონიტორინგის შედეგებს საიას საარჩენო დავების კვლევაში წარმოგიდგენთ.


ჯ. კახიძის #15, თბილისი, საქართველო, 0102 ; ტელ: (995 32) 95 23 53; ფაქსი: (995 32) 92 32 11; ელ-ფოსტა: gyla@gyla.ge; www.gyla.ge
15, J. Kakhidze str. 0102, Tbilisi, Georgia. Tel: (995 32) 95 23 53; Fax: (995 32) 92 32 11; E-mail: gyla@gyla.ge; www.gyla.ge