საიას შეტყობინების საფუძველზე ცესკომ არაუფლებამოსილ დამკვირვებლებს დამკვირვებლის სტატუსი შეუწყვიტა

სამტრედიის #38 და ბაღდათის #12 საარჩევნო უბნებზე საიას დამკვირვებლების მიერ გამოვლინდა არაუფლებამოსილი პირების მონაწილეობა დამკვირვებლის სტატუსით. კერძოდ, სამტრედიის #38 საარჩევნო უბანზე ორგანიზაციის „ახალი თაობა დემოკრატიული არჩევნები“ სახელით დაკვირვებას ახორციელებდა ხონის საკრებულოს წევრი ლევან ბობოხიძე, რომელიც არის აკაკი ბობოხიძის ძმა. ხოლო ბაღდათის #12 საარჩევნო უბანზე ორგანიზაციის „მომავლის არჩევანი“ სახელით დაკვირვებას ახორციელებდა წყალტუბოს საკრებულოს თავმჯდომარის მოადგილე ზაზა მეტრეველი.

 
აღნიშნული წარმოადგენს საარჩევნო კოდექსის 39-ე მუხლის დარღვევას, რომლის მიხედვითაც ადგილობრივი თვითმმართველობის წარმომადგენლობითი ორგანოს - საკრებულოს წევრებს ეკრძალებათ დამკვირვებლის სტატუსით არჩევნებში მონაწილეობა.
 
საქართველოს ახალგაზრდა იურისტთა ასოციაციის შეტყობინების საფუძველზე ცენტრალურმა საარჩევნო კომისიამ ზემოაღნიშნულ პირებს დამკვირვებლის რეგისტრაცია შეუწყვიტა.
 
 
 
 

ჯ. კახიძის #15, თბილისი, საქართველო, 0102 ; ტელ: (995 32) 95 23 53; ფაქსი: (995 32) 92 32 11; ელ-ფოსტა: gyla@gyla.ge; www.gyla.ge
15, J. Kakhidze str. 0102, Tbilisi, Georgia. Tel: (995 32) 95 23 53; Fax: (995 32) 92 32 11; E-mail: gyla@gyla.ge; www.gyla.ge