სამუშაო საათები: ორშ-პარ (10:00 - 18:00)

თამარ მეტრეველი

იურიდიული განათლების ხელშეწყობის ფონდის პრეზიდენტი

ელ. ფოსტა: metreveli@gyla.ge

რეგიონი: თბილისი

თამარ მეტრეველი 2005 წელს საია-ს გამგეობის გადაწყვეტილებით  დანიშნა საია-ს მიერ დაფუძნებული იურიდიული განათლების ხელშეწყობის ფონდის პრეზიდენტად და დღემდე ხელმძღვანელობს მას. 2015 წელს კოორდინაციას უწევდა ფონდის პროექტს “სამოქალაქო და სამართლებრივი განათლების ხელშეწყობა ზოგადსაგანამანათლებლო დაწესებულებებში”. 2013-2014 წლებში თამარი ფონდის მასშტაბით ხელმძღვანელობდა კოალიციურ პროექტს “ხარისხიანი განათლება  ძლიერი ინსტიტუტებისათვის”. 2011-2014 წლებში ხელმძღვანელობდა ფონდის პროექტს “დასავლეთ საქართველოს სამართლის სამაგისტრო პროგრამის სტიპენდია”. 2010 წლიდან დღემდე კოორდინირებს პროექტს, სადაც რამოდენიმე უმაღლესი სასწავლებლის პროფესორ-მასწავლებელთან ერთად  ჩართულია იურიდიული სწავლების ერთიანი მეთოდოლოგიის შემუშავებაში და შემდგომ მის დანერგვაში. 2009 წლიდან დღემდე  ხელმძღვანელობს საია-ს პროექტს “ადამიანის უფლებები პაციენთთა მზრუნველობის სფეროში”. 2009-2011 წლებში ხელმძღვანელობდა საია-ს პროექტს “ახალგაზრდა ლიდერები საზოგადოების სამსახურში”. 2008 წლიდან დღემდე ჯერ საია-ს, შემდეგ კი ფონდის ეგიდით კოორდინირებს  ოლიმპიადას “ახალგაზრდა იურისტები კონსტიტუციური უფლებებისათვის”. 2007 წელს ხელმძღვანელობდა საია-ს პროექტს “იურიდიული განათლების ევროპული სისტემა – როგორ მუშაობს ის?”. 2007-2011 წლებში საია-ს სახელით ჩართული იყო  კოალიციაში  “მომავალი სიღარიბის გარეშე” და ახორცილებდა პროექტს “ათასწლეულის განვითარების მიზნები დღის წესრიგში”. 2004 წლიდან დღემდე - ხელმძღვანელობს ფონდის ეგიდით მიმდინარე ყოველკვირეული სასწავლო კურსების, საკვირაო სკოლის და დებატების ტურნირის პროგრამას. 2000 წელს საიას გამგეობის მიერ  დაინიშნა იურიდიული სწავლებისა და ინფორმაციის ცენტრის დირექტორად. 1997-2000 წლებში ეკავა  საიას ტრენინგების კოორდინატორის პოზიცია. 1996-1999 წლებში ვოლუნტარულ საწყისებზე ითავსებდა საიას ფინანსური მენეჯრის პოზიციას. 1996-1997 - მუშაობდა  საიას იურიდიული დახმარების ცენტრში - სატელეფონო კონსულტანტად. პარალელურ რეჟიმში სამართლებრივ დახმარებას უწევდა არასამთავრობო ორგანიზაციებისა და მასმედიის წარმომადგენლებს. 1996 წელს მუშაობდა  ა/ო იძუებით გადაადგილებულ ქალთა ასოციაცია იურისტად. 1995-1996 წლებში იყო ა/ო “საქართველოს წამების საწინააღმდეგო კომიტეტის იურისტი. ხოლო 1994-1995 წლებში ახალგაზრდობის საქმეთა დეპარტამენტი, მთაწმინდის რაიონის კოორდინატორი.

თამარის პასუხისმგებლობის ქვეშ გამოცემულია  როგორც საია-ს ასევე იურიდიული განათლების ხელშეწყობის ფონდის არაერთი პუბლიკაცია. მისივე პასუხისმგებლობის ქვეშ ორგანიზება უკეთდება ათეულობით ტრენინგს, სემინარს, კონფერენციას და  მრგვალი მაგიდის შეხვედრას, სადაც მონაწილეობას იღებენ: მოსამართლეები, პროკურორები, ადვოკატები, ნოტარიუსები, ჟურნალისტები, ჯანდაცვის მუშაკები, პედაგოგები და ა.შ.