ნებისმიერ ადამიანს აქვს უფლება მოითხოვოს და მიიღოს საჯარო დაწესებულებაში არსებული ინფორმაცია. ჩვენი მიზანია ეს უფლება რაც შეიძლება უფრო მეტად ხელშესახები გავხადოთ და ყველა მოქალაქეს თუ დაინტერესებულ პირს გავუადვილოთ ამ უფლებით სარგებლობა.
საქართველოს ახალგაზრდა იურისტთა ასოციაციამ შექმნა ინფორმაციის თავისუფლების მონაცემთა ბაზა, სადაც დაინტერესებულ პირებს შეუძლიათ მოიპოვონ საქართველოს მასშტაბით არსებული საჯარო დაწესებულებების საკონტაქტო ინფორმაცია.
ბაზაში მოცემულია სამინისტროების, საქვეუწყებო დაწესებულებების, ტერიტორიული ორგანოების, ადგილობრივი თვითმმართველობის ერთეულების, სასამართლოების, საჯარო სამართლის იურიდიული პირებისა და სხვა საჯარო დაწესებულებების მისამართები, ტელეფონის ნომრები, ვებ-გვერდის მისამართები და ასევე, საჯარო ინფორმაციის ხელმისაწვდომობაზე პასუხისმგებელი პირების ვინაობა.
სულ ბაზაში მოცემულია ინფორმაცია საქართველოს მასშტაბით არსებული 2958 დაწესებულების შესახებ.
ვიმედოვნებთ, რომ წარმოდგენილი ბაზა რეალური მხარდაჭერა იქნება დაინტერსებული პირებისათვის და გაუდვილებს მათ საჯარო დაწესებულებებთან ურთიერთობასა და ინფორმაციის გამოთხოვას.