ადამიანის უფლებათა კვირეულის ფარგლებში საქართველოს ახალგაზრდა იურისტთა ასოციაციამ 9 დეკემბერს, მწვანე ალტერნატივასთან ერთად, წარმოადგინა ვაზიანი-გომბორი-თელავის საავტომობილო გზის რეაბილიტაციის პროცესის მონიტორინგის შედეგები.
მონიტორინგი განხორციელდა კოალიციის “გამჭვირვალე საერთაშორისო დახმარება საქართველოსთვის” ფარგლებში, ღია საზოგადოების ინსტიტუტისა და ფონდის “ღია საზოგადოება – საქართველო” მხარდაჭერით.
საქართველოს ახალგაზრდა იურისტთა ასოციაციის მონიტორინგის მიზანს წარმოადგენდა სახელმწიფო შესყიდვების პროცესის კანონიერების შესწავლა, ფინანსური რესურსის რაციონალური ხარჯვის კონტროლი, გამოვლენილი კანონდარღვევების პრევენცია და საზოგადოების ინფორმირება.
სახელმწიფო შესყიდვების პროცესში ირღვეოდა კანონის ისეთი მოთხოვნები, რომლებიც წარმოადგენენ შესყიდვის ობიექტურად და მიუკერძოებლად განხორციელების მნიშვნელოვან გარანტს.
მონიტორინგმა გამოავლინა შემდეგი სამართლებრივი დარღვევები:
    • სახელმწიფო შესყიდვების არასათანადო დაგეგმვა;
    • ტენდერების წარმართვა კანონით დადგენილი პროცედურების დარღვევითა და გვერდის ავლით;
    • დეპარტამენტის მიერ სახელმწიფო შესყიდვის განხორციელება არასაკმარისი ფინანსური რესურსის პირობებში;
    • საბიუჯეტო ფინანსების არაეფექტური ხარჯვა;
    • მშენებლობის შესაბამის ორგანოებთან შეუთანხმებლად განხორციელება.
ასოციაციის მიერ მონიტორინგის განხორციელებისას გამოვლენილი დარღვევები კიდევ ერთხელ ადასტურებს ამ პროცესების გამჭვირვალედ წარმართვის საჭიროებას. მოცემულ ეტაპზე, გზის მშენებლობის პროექტი განხორციელების სტადიაზეა. შესაბამისად, ორგანიზაციის მიერ მომზადებული ანგარიში წარმოადგენს ამ დროისათვის არსებული მონაცემებისა და შედეგების ანალიზს. ვაზიანი-გომბორი-თელავის საავტომობილო გზის მშენებლობის შემდგომი ეტაპების შეფასებას საქართველოს ახალგაზრდა იურისტთა ასოციაცია მომდევნო ანგარიშში წარმოგიდგენთ.

საქართველოს ახალგაზრდა იურისტთა ასოციაციამ 2009 წლის 21 თებერვალს გამართა პრესკონფერენცია, რომელზეც გამოხატა Fთავისი პოზიცია საქართველოს ენერგეტიკის სამინისტროსა და “ინტერ რაო ეეს”-ს შორის გაფორმებული მემორანდუმის გასაიდუმლოების თაობაზე.
საქართველოს ახალგაზრდა იურისტთა ასოციაცია მიიჩნევს, რომ დაუშვებელია საქართველოს ენერგეტიკის სამინისტროსა და კომპანია “ინტერ რაო ეეს”-ს შორის 2008 წლის 30 დეკემბერს გაფორმებული ურთიერთგაგების მემორანდუმის კომერციული საიდუმლოების მოტივით გაისაიდუმლოება. ქვეყნის ენერგეტიკის სფეროში უმნიშვნელოვანესი გადაწყვეტილებების მიღებისას საზოგადოებრივი ინტერესი აღემატება კერძო პირების კომერციულ ინტერესებს. აღნიშნული მით უფრო ხელშესახები ხდება მაშინ, როდესაც სახელმწიფო დაწესებულება ვერ ასაბუთებს კონკრეტულად რა ზიანი შეიძლება მოიტანოს დოკუმენტების გასაჯაროებამ.
საიამ აღნიშნული მემორანდუმი გამოითხოვა 2009 წლის 16 იანვარს და კომერციული საიდუმლოების მოტივით ინფორმაციის გაცემაზე უარი, ადმინისტრაცული საჩივრით, გაასაჩივრა საქართველოს ენრეგეტიკის მინისტრთან.
ადმინისტრაციული საჩივარზე ზეპირი მოსმენა გაიმართა 20 თებერვალს, რომელსაც ენერგეტიკის მინისტრი ბატონი ალექსანდრე ხეთაგური უძღვებოდა.
ზეპირ სხდომაზე სამინისტროს მიერ წარმოდგენილ იქნა 16 იანვრითვე დათარიღებული, კომპანია “ინტერ რაო ეეს”-ის მიერ, რუსულ ენაზე წარდგენილი, განცხადება, მემორანდუმის კომერციულ საიდუმლოებად ცნობის შესახებ. ასევე, ენერეგეტიკის მინისტრის ამავე რიცხვით დათარიღებული გადაწყვეტილება, დოკუმენტის გასაიდუმლოების თაობაზე.
საქართველოს ახალგაზრდა იურისტთა ასოციაცია ხაზს უსვამს იმ გარემოებას, რომ კანონის თანახმად ადმინისტრაციული ორგანოს ვადლებულია არასახელმწიფო ენაზე წარდგენილი განცხადების მიღების შემთხევვაში განუსაზღვროს განმცხადებელს ვადა ნოტარიულად დამოწმებული თარგმანის წარმოსადგენად და მხოლოდ ამის შემდეგ, განიხილოს მიღებული განცხადება, რასაც ადგილი არ ჰქონია მოყვანილ შემთხვევაში.
საია კიდევ ერთხელ ამახვილებს ყურადღებას ენგურჰესის მართვის საკითხისადმი მაღალი საზოგადოებრივი ინტერესის ლეგიტიმურობაზე კერძო ინტერესებთან მიმართებით და მიიჩნევს, რომ მემორანდუმის გასაიდუმლოება არის უკანონო.
საქართველოს ახალგაზრდა იურისტთა ასოციაცია აპირებს თავისი პოზიციის სასამართლოს გზით დამტკიცებას, რისთვისაც 20 თებერვალს სარჩელი შეიტანა საქალაქო სასამართლოში და მოითხოვა მემორანდუმის კომერციულ საიდუმლეობად ცნობის შესახებ ბრძანების ბათილად ცნობა.
იხილეთ მიმაგრებული დოკუმენტები:
    * ენერგეტიკის სამინისტროს პასუხი
    * ინტერ რაო ესის განცხადება
    * მინისტრის ბრძანება კომერციულ საიდუმლოებად ცნობის შესახებ
    * საია-ს განცხადება

9 დეკემბერი – კორუფციის წინააღმდეგ ბრძოლის საერთაშორისო დღე

ადამიანის უფლებათა კვირეულის ფარგლებში საქართველოს ახალგაზრდა იურისტთა ასოციაცია კორუფციის წინააღმდეგ ბრძოლის საერთაშორისო დღეს აღნიშნავს.
ამასთან დაკავშირებით 2008 წლის 9 დეკემბერს მოხდა საქართველოს პრეზიდენტისა და მთავრობის 2007 წლის სარეზერვო ფონდების მონიტორინგის რიგით მერვე ანგარიშის პრეზენტაცია.
ისევე როგორც წინა წლებში, 2007 წელსაც სარეზერვო ფონდების განკარგვას საქართველოს პრეზიდენტი და საქართველოს მთავრობა მნიშვნელოვანი დარღვევებით წარმართავდნენ. საანგარიშო პერიოდში ორივე ფონდის შემთხვევაში ადგილი ჰქონდა მნიშვნელოვან გადახარჯვას. 2007 წელს თითოეული სარეზერვო ფონდის მოცულობა შეადგენდა 25 მილიონ ლარს. რაც იმას ნიშნავს, რომ საქართველოს პრეზიდენტსა და მთავრობას ფონდების განკარგვა მხოლოდ 25 მილიონი ლარის ფარგლებში შეეძლოთ. მიუხედავად კანონის იმპერატიული მოთხოვნისა, როგორც პრეზიდენტმა, ისე მთავრობამ შესაბამისი ასიგნებების გარეშე ბიუჯეტიდან გასცეს რამოდენიმე ათეული მილიონი ლარით მეტი, ვიდრე ამის უფლებამოსილებას მათ კანონმდებლობა ანიჭებდათ.
აღსანიშნავია, რომ პრეზიდენტის სარეზერვო ფონდის შემთხვევაში წინა წელთან შედარებით გაიზარდა გადახარჯვის მაჩვენებელი, ხოლო მთავრობის სარეზერვო ფონდის მიმართებაში ამ მონაცემმა 2005 წლიდან მოყოლებული ყველაზე ფართო მასშტაბებს მიაღწია. 2007 წელს სარეზერვო ფონდებიდან სტიქიის შედეგების სალიკვიდაციოდ გამოყოფილი სახსრები უმნიშვნელოდ არის გაზრდილი და 29 სტიქიურ მოვლენიდან 28 მათგანი პრეზიდენტისა და მთავრობის მხრიდან რეაგირების გარეშე დარჩა.
აღნიშნულ დარღვევებს ყურადღების მიღმა ტოვებს ფინანსთა სამინიტრო და უფრო მეტიც, მის მიერ მომზადებულ ანგარიშებში ახდენს საქართველოს პრეზიდენტისა და მთავრობის უკანონო ქმედებების დაფარვას. თუმცა, ანგარიშებში არსებული მრავალი წინააღმდეგობიდან გამომდინარე, ეს დარღვევები ცალსახაა.
ანგარიშში მიმოხილულია სამართლებრივი ბაზის ხარვეზები. ასევე ბოლოდროინდელი საკანონმდებლო ცვლილებები, რამაც გამოიწვია პრეზიდენტისა და მთავრობის ძალაუფლებაზე კონტროლის შესუსტება. მონიტორინგის შედეგად გამოკვეთა ისეთი პრობლემები, როგორებიცაა: სახსრების არამიზნობრივი განკარგვა, სახსრების არასწორი გაანგარიშების პრობლემა, გარემოებების არასათანადო გამოკვლევა, განკარგულებების დაუსაბუთებლობა, დისკრეციული უფლებამოსილების არასათანადო განხორციელება, განაცხადების წარდგენის პრობლემები, ვალდებულებების აღება შესაბამისი გადაწყვეტილების მიღებამდე, თანხის ბიუჯეტში დაბრუნების წესის არარსებობა და სხვა.
სარეზერვო ფონდებთან დაკავშირებული სამართლებრივი ნორმების სიმცირე და ბუნდოვანება წლების მანძილზე ქმნიდა ფონდებიდან სახსრების უკანონო და არამიზნობრივი ხარჯვის საფუძველს. ასოციაციის მონიტორინგის შედეგად ნათელია, რომ მდგომარეობა არც 2007 წელს შეცვლილა და სარეზერვო ფონდებიდან თანხის არამიზნობრივი და უკანონო განკარგვა კვლავ აქტუალურ პრობლემად რჩება.
იხილეთ მიმაგრებული დოკუმენტი:

*	საქართველოს მთავრობისა და პრეზიდენტის სარეზერვო ფონდების ანგარიში (2007 წელი)

    * პრეზენტაცია.
    * დღის წესრიგი.

კორუფციის წინააღმდეგ ბრძოლის საერთაშორისო დღესთან დაკავშირებით მიმართეთ შემდეგ ვებ გვერდს:

2008 წლის 16 ოქტომბერს უკრაინაში, ქალაქ კიევში ევროპის საბჭოს კიევის ოფისის ორგანიზებით გაიმართა მრგვალი მაგიდა სახელწოდებით “ეროვნული ანტიკორუფციული პოლიტიკის ეფექტურობა, სამოქალაქო საზოგადოებისა და კერძო სექტორის როლი”. აღნიშნულ შეხვედრაზე საქართველოს ახალგაზრდა იურისტთა ასოციაცია მიწვეული იყო, როგორც ექსპერტი ანტიკორუფციულ საკითხებში. საიას როლს შეხვედრაზე წარმოადგენდა იმ საუკეთესო გამოცდილების წარმოდგენა და გაზიარება, რომელიც მან მოიპოვა უკანასკნელი წლების განმავლობაში კორუფციის წინააღმდეგ ბრძოლაში.
ახალგაზრდა იურისტთა ასოციაციის თანამშრომლის – თამარ ჩუგოშვილის პრეზენტაცია – “არასამთავრობო ორგანიზაციათა როლი საქართველოს ეროვნულ ანტიკორუფციულ საქმიანობაში” მოიცავდა სამ ძირითად საკითხს:
    1. ანტიკორუფციულ საქმიანობაში ჩართული საქართველოს სამოქალაქო საზოგადოებრივი ორგანიზაციები;
    2. საქართველოს ახალგაზრდა იურისტთა ასოციაციის როლი ანტიკორუფციულ საქმიანობაში;
    3. საქართველოს ეროვნული და საერთაშორისო ანტიკორუფციული ვალდებულებების შესრულების მონიტორინგის შედეგები.
შეხვედრაზე, ახალგაზრდა იურისტთა ასოციაციამ უკრაინული არასამთავრობო ორგანიზაციების წარმომადგენლებს გაუზიარა თავისი ანტიკორუფციული გამოცდილება და აღუთქვა დახმარება მომავალ საქმიანობაში.
იხილეთ მიმაგრებული დოკუმენტი:
    * პრეზენტაცია ინგლისურ ენაზე

ახალგაზრდა იურისტთა ასოციაციის მიერ ორგანიზებულ “ინფორმაციის თავისუფლების კვირეულის” ფარგლებში 2008 წლის 2 აგვისტოს, სასტუმრო “ამბასადორში” გაიმართა “საქართველოს ეროვნული და საერთაშორისო ანტიკორუფციული ვალდებულებების შესრულების მონიტორინგის” შედეგების პრეზენტაცია. აღნიშნულ ღონისძიებაზე განხილული იყო საერთაშორისო ორგანიზაციების, OECD-ს (ორგანიზაცია ეკონომიკური თანამშრომლობისა და განვითარებისათვის) და GRECO-ს (სახელმწიფოთა ჯგუფი კორუფციის წინააღმდეგ) მიერ საქართველოს მიმართ შემუშავებული ანტიკორუფციული რეკომენდაციების შესრულების შედეგები. ასევე, საქართველოს ეროვნული ანტიკორუფციული სტრატეგიის და მისი სამოქმედო გეგმის შესრულების ანალიზი
პრეზენტაცია შეეხებოდა შემდეგ ძირითად საკითხებს:
    1. ეროვნული ანტიკორუფციული პოლიტიკა, ინსტიტუტები და აღსრულება;
    2. კანონმდებლობა და კორუფციის კრიმინალიზაცია, ფულის გათეთრებასთან დაკავშირებული ღონისძიებები;
    3. საჯარო სამსახურის გამჭვირვალობა;
ანგარიშის შედეგებმა დარბაზის დაინტერესება და ცხარე დისკუსია გამოიწვია, რომელიც საათნახევრის განმავლობაში მიმდინარეობდა.
საქართველოს მთავრობას აღებული აქვს კორუფციის წინააღმდეგ ბრძოლის, კერძოდ კი, კომპეტენტური საერთაშორისო ორგანიზაციების რეკომენდაციების და საქართველოს ეროვნული ანტიკორუფციული სტრატეგიის შესრულების ვალდებულება.
საქართველოს ახალგაზრდა იურისტთა ასოციაციამ 2008 წელს განახორციელა საქართველოს მთავრობის მიერ ზემოაღნიშნული ვალდებულებების შესრულების მონიტორინგი. ანგარიში მოიცავს:
    1. OECD-ის (ორგანიზაცია ეკონომიკური თანამშრომლობისა და განვითარებისათვის) ანტიკორუფციული ქსელის მიერ საქართველოსათვის შემუშავებული რეკომენდაციების შესრულების ანალიზს;
    2. GRECO-ს (სახელმწიფოთა ჯგუფი კორუფციის წინააღმდეგ) მეორე შეფასებითი რაუნდის ფარგლებში საქართველოსათვის შემუშავებული რეკომენდაციების შესრულების ანალიზს;
    3. საქართველოს პრეზიდენტის მიერ დამტკიცებული ანტიკორუფციული სტრატეგიის სამოქმედო გეგმის შესრულების მონიტორინგს.
კვლევის შედეგებმა აჩვენა, რომ მიუხედევად გარკვეული დადებითი ცვლილებებისა საქართველო ჯერ კიდევ შორს არის კორუფციის აღმოფხვრისაგან, რეკომენდაციების და აღებული ვალდებულებების მნიშვნელოვანი ნაწილი კვლავაც შეუსრულებელი რჩება.
იხილეთ მიმაგრებული დოკუმენტები:

*	საქართველოს ეროვნული და საერთაშორისო ვალდებულებების შესრულების მონიტორინგი

    * პრეზენტაცია

საქართველოს სახელმწიფო კონტროლის მექანიზმები საერთაშორისო სტანდარტებს მნიშვნელოვნად დაშორდა. მიუხედავად იმისა, რომ კონსტიტუციის თანახმად შექმნილია და ფუნქციონირებს საქართველოს კონტროლის პალატა, მისი საქმიანობა არაეფექტურია და არც კონსტიტუციური ფუნქციის შესასრულებლად არის საკმარისი. რაც შეეხება შიდა კონტროლის მექანიზმებს, ანუ გენერალური ინსპექციებს, ასეთის არსებობის ვალდებულებას საქართველოს კანონმდებლობა ჯერ-ჯერობით, საერთოდ არ ითვალისწინებს, არსებული გენერალური ინსპექციები კი, სხვადასხვა სისტემით და სტანდარტებით საქმიანობენ.
პრობლემატურია ასევე, სახელმწიფო ქონების პრივატიზების საკითხები. მოქმედი კანონმდებლობა იძლევა სუბიექტური გადაწყვეტილებების მიღების შესაძლებლობას; სახელმწიფო ქონების გასხვისების განსაკუთრებული – პირდაპირი მიყიდვის _ ფორმით ქონების გასხვისება ხშირად არ ხდება კანონმდებლობით დადგენილი მოთხოვნების ფარგლებში; ხოლო სახელმწიფო ქონების შემძენი პირების მიერ ხშირად საერთოდ, ან ნაწილობრივ არ სრულდება ნაკისრი ვალდებულებები.
იხილეთ მიმაგრებული დოკუმენტები:

*	“საქართველოს მთავრობა თაკარა მზის ქვეშ” კამპანიის – მეშვიდე ანგარიშში.

სარეზერვო ფონდების ხარჯვის მონიტორინგის 2006 წლის შედეგების შეჯამება “საქართველოს მთავრობა თაკარა მზის ქვეშ” კამპანიის – მეექვსე ანგარიშში მოხდა. აქ კიდევე ერთხელ გაესვა ხაზი ფონდებთან მიმართებით განხორციელებულ საკანონმდებლო ცვლილებებს, რადგან ყოველი მათგანი სულ უფრო უკონოტროლოს ხდიდა ფონდების ხარჯვას. 2006 წელს ფონდებიდან გაწეულმა ხარჯვამ არნახულ მასშტაბებს მიაღწია. ამ წელს ორივე ფონდიდან გამოყოფილი 98 მილიონზე მეტი ლარიდან მხოლოდ 1,2 მილიონი ლარი ერგო სტიქიის მსხვერპლებს, დანარჩენი ხარჯის უმრავლესობა კი, უკანონო ხარჯვას წარმოადგენდა.
რაც ყველაზე საინტერესოა ამ უკანასკნელ ანგარიშში, არც ფინანსთა სამინისტრო, არც კონტროლის პალატა, არც შესყიდვების სააგენტო და არც რომელიმე სხვა მაკონტროლებელი ორგანო ზემოთ აღნიშნული დარღვევებით არცერთხელ არ დაინტერესებულა, არამედ პირიქით, თავად ამ უწყებების აქტიურობის შედეგად, დარღვევები ბიუჯეტში “გადასწორდა”.
“საქართველოს მთავრობა თაკარა მზის ქვეშ” კამპანიის – მეექვსე და მეშვიდე ანგარიშების პრეზენტაცია გაიმართა 2007 წლის 20 სექტემბერს სასტუმრო თორში.

იხილეთ მიმაგრებული დოკუმენტები:

*	“საქართველოს მთავრობა თაკარა მზის ქვეშ” კამპანიის – მეექვსე ანგარიში

    * პრეზენტაცია

სარეზერვო ფონდების 2006 წლის მონიტორინგის შედეგებმა _ “საქართველოს მთავრობა თაკარა მზის ქვეშ” კამპანიის – მეხუთე ანგარიში, ცხადყო, რომ პრეზიდენტმა და მთავრობამ არსებული დარღვევების აღმოფხვრას და გამოსწორებას კანონმდებლობის მორგება ამჯობინეს. 2006 წლის აპრილიდან მოყოლებული ფონდებთან დაკავშირებულ კანონმდებლობაში რამდენიმე ცვლილება განხორციელდა და ყოველი მათგანის შემდეგ ფონდების მიზანი, დანიშნულება და ხარჯვის წესი სულ უფრო აბსტრაქტული და გაურკვეველი ხდებოდა, განსაკუთრებული კონტროლის მექანიზმებისგან კი, ფონდები სრულიად გათავისუფლდნენ. შედეგად, 2006 წლის პირველი ნახევარში სარეზერვო ფონდების ხარჯვა კვლავაც უზარმაზარი გადახარჯვების და აშკარა არამიზნობრივი ხარჯვის ფონზე მიმდინარეობდა.

სარეზერვო ფონდის მონიტორინგის მეხუთე ანგარიშის პრეზენტაცია გაიმართა 2006 წლის 14 დეკემბერს სასტუმრო “თორში”.
იხილეთ მიმაგრებული დოკუმენტები:

*	“საქართველოს მთავრობა თაკარა მზის ქვეშ” კამპანიის – მეხუთე ანგარიში

    * პრეზენტაცია

საქართველოს ახალგაზრდა იურისტთა ასოციაციამ 2007 წლის 19 თებერვალს აფხაზეთის არასამთავრობო ორგანიზაციების წარმომადგენლებისათვის გამართა ტრენინგი ანტიკორუფციული მონიტორინგის ჩატარების მეთოდებისა და გზების შესახებ.
ტრენინგში მონაწილეობდნენ რვა არასამთავრობო ორგანიზაციის წარმომადგენლები. მათ გაიზიარეს ახალგაზრდა იურისტთა ასოციაციის გამოცდილება და მიიღეს ანტიკორუფციული მონიტორინგის განსახორციელელად საჭირო უნარ-ჩვევები.

იხილეთ მიმაგრებული დოკუმენტი:
    * ტრენინგის მასალები

2005 წელს სარეზერვო ფონდების ხარჯვის მონიტორინგის შედეგების შეჯამება და ერთიანი დასკვნების გაკეთება “საქართველოს მთავრობა თაკარა მზის ქვეშ” კამპანიის – მეოთხე ანგარიშში მოხდა. 2005 წელს პრეზიდენტის სარეზერვო ფონდი 300%-ით გადაიხარჯა, ანუ ფონდში არსებული 10 მილიონი ლარის ნაცვლად პრეზიდენტმა 39,911037 ლარი დახარჯა, თანაც ამ თანხის 94% უკანონოდ, ანუ არამიზნობრივად იქნა გახარჯული. ამ წელს 39 მილიონ ცხრაასი ათასზე მეტი ლარიდან, მხოლოდ 4 000 ლარი ერგო სტიქიით დაზარალებულ მოსახლეობას, მაშინ როდესაც მთლიანად ფონდის არსებობის მთავარ დანიშნულებას მათი დახმარება წარმოადგენდა.
რრაც შეეხება მთავრობის სარეზერვო ფონდს, გადახარჯვის მაჩვენებლები აქაც შთამბეჭდავ მასშტაბებს აღწევდა, კონკრეტულად კი, ფონდში გათვალისწინებული 20 მილიონი ლარის ნაცვლად 80 მილიონი დაიხარჯა, თანაც აქედან 84% არამიზნობრივად. კვლევის შედეგად გამოვლინდა ის ფაქტიც, რომ პრეზიდენტის და მთავრობის სარეზერვო ფონდების ხარჯვისას დაშვებული დარღვევების გამოსწორებას აქტიურად ცდილობდა ფინანსთა სამინისტრო, რომელიც ასევე კანონის დარღვევით ასახავდა ხარჯვას საკუთარ ანგარიშებში.
პრეზიდენტის და მთავრობის სარეზერვო ფონდების 2006 წლის მონიტორინგის შემაჯამებელი ანგარიში პრეზენტაცია გაიმართა სასტუმრო “ქორთიარდ მერიოტში”.
იხილეთ მიმაგრებული დოკუმენტი:

*	“საქართველოს მთავრობა თაკარა მზის ქვეშ” კამპანიის – მეოთხე ანგარიშში

    * პრეზენტაცია

ახალგაზრდა იურისტთა ასოციაციამ 2006 წლის მარტში დაასრულა პროქტი ‘ინფორმაციის თავისუფლების ცხოვრებაში დანერგვა, სამართლებრივი რეფორმა და ფინანსური გამჭვირვალობა’ რომელიც ხორციელდებოდა ‘ღია საზოგადოება ინსტიტუტის’ ფინანსური მხარდაჭერით. ამ პროექტის ფარგლებში ერთი წლის განმავლობაში საია ახორციელებდა ინფორმაციის თავისუფლებასთან დაკავშირებულ სამართალწარმოებას, ტრენინგებს და სემინარებს ინფორმაციის თავისუფლების საკითხებზე, საქართველოს პრეზიდენტისა და მთავრობის სარეზერვო ფონდების მონიტორინგს, აჭარის ა/რ მთავრობის სარეზერვო ფონდის მონიტორინგს, ‘საქტელერადიომაუწყებლობაში’ მიმდინარე რეფორმის მონიტორინგს, ასევე მრავალ სხვა ანტიკორუფციული საქმიანობას.
პროექტის შედეგების პრეზენტაცია გაიმართა 2006 წლის 27 მარტს, სასტუმრო ‘ქორთიარდ მერიოტში’.
იხილეთ მიმაგრებული დოკუმენტი:
    * პრეზენტაცია

კამპანიის “საქართველოს მთავრობა თაკარა მზის ქვეშ” ფარგლებში არამხოლოდ საქართველოს პრეზიდენტისა და მთავრობის სარეზერვო ფონდების მონიტორინგი განხორციელდა, არამედ დეტალურად იქნა შესწავლილი აჭარის ა/რ მთავრობის სარეზერვო ფონდის 2004-2005 წლების ფინანსური საქმიანობა. ამ კვლევის შედეგება ზემოაღნიშნული ფონდის ხარჯვასთან დაკავშირებულ მრავალ დარღვევას მოჰფინა ნათელი, კერძოდ, თანხების განკარგვა ფონდიდან ერთპიროვნული გადაწყვეტილებების საფუძველზე ხდებოდა, კანონით დადგენილი მოთხოვნები და ფონდის მიზნები, როგორც წესი, იგნორირებული იყო, არსებულ დარღვევებზე კი, არაერთი მითითების მიუხედავად, ავტონომიური რესპუბლიკის არცერთი მაკონტროლებელი ორგანო არ რეაგირებდა. ამავე კვლევაში, საკმაოდ ნათლად ჩანს რა სირთულეებთან არის დაკავშირებული ავტონომიური რესპუბლიკის საჯარო დაწესებულებებიდან კანონის საფუძველზე ინფორმაციის მოპოვება და გამჭვირვალეობის როგორი სტანდარტით ხელმძღვანელობენ ეს უწყებები.br> აჭარის ა/რ მთავრობის სარეზერვო ფონდის პრეზენტაცია გაიმართა ქ. ბათუმში 2006 წლის 11 მარტს.
იხილეთ მიმაგრებული დოკუმენტები:

*	აჭარის ა/რ მთავრობის სარეზერვო ფონდის 2004-2005 წლების ფინანსური მონიტორინგი

    * პრეზენტაცია

სარეზერვო ფონდების მონიტორინგი გაგრძელდა 2005 და 2006 წლებშიც, ამასთან პრეზიდენტის ფონდს დაემატა მთავრობის ფონდიც.
“საქართველოს მთავრობა თაკარა მზის ქვეშ” კამპანიის – მესამე ანგარიშში აისახა 2005 წლის პირველ ნახევარში სარეზერვო ფონდების ხარჯვის მონიტორინგის შედეგები. ამ კველამ ნათლად აჩვენა, რომ როგორც პრეზიდენტის, ისე მთავრობის სარეზერვო ფონდების ხარჯვა სრულიად არამიზნობრივად ხდებოდა. სახეზე იყო აშკარად კანონის დარღვევით დაფინანსებული ღონისძიებები, რომლებიც არ შეესებამებოდა ფონდის კანონიერ მიზანს, კერძოდ კი, სახელმწიფოებრივი მნიშვნელობის ისეთი საგანგებო შემთხვევების დაფინანსებას, როგორიცაა ბუნებრივი და სხვა სახის კატასტროფები და გაუთვალისწინებელი სახელმწიფოებრივი ვალდებულებები. ამავე ანგარიშში მოცემულია ინფორმაცია 2005 წლისათვის დაფქსირებული სტიქიური უბედერებებისა და მათ მიერ მიყენებული ზარალის შესახებ. მონიტორინგის შედეგები ცხადყოფს, რომ სტიქიის მიერ მიყენებული ზარალის მნიშვნელობის მიუხედავად, ფონდებიდან აღნიშნული ფაქტები იგნორირებული რჩებოდა.
ანგარიშის პრეზენტაცია გაიმართა სასტუმრო “ქორთიარდ მერიოტში”.

 იხილეთ მიმაგრებული დოკუმენტები:

*	“საქართველოს მთავრობა თაკარა მზის ქვეშ” კამპანიის – მესამე ანგარიში

    * პრეზენტაცია

2004 წლიდან საქტელერადიომაუწყებლის სისტემაში “ძირეული” რეფორმა დაიწყო. რამდენად წარმატებული აღმოჩნდა ეს რეფორმა და რამდენად ძირეული ცვლილებების გატარება მოხერხდა, ამის ანალიზი საქართველოს ახალგაზრდა იურისთა ასოციაციამ 2005 წელს გააკეთა. რეფორმის მთავარ მიმართულებებს წარმოადგენდა: 1. საქტელერადიომაუწყებლობის მართვის სრულყოფა; 2. საკადრო ოპტიმიზაცია; 3. ინსტიტუციური და ფუნქციონალური რეფორმა. მონიტორინგის შედეგად გამოირკვა, რომ რეფორმის მიმდინარეობისას დარღვევები დაფიქსირდა თითქმის ყველა სფეროში. მნიშვნელოვანი კანონდარღვევები გამოვლინდა სახელმწიფო შესყიდვების განხორციელების დროს, ვაკანტურ თანამდებობებზე კონკურსის გამართვისას და ა.შ. საერთო ჯამში კი, რეფორმა საქტელერადიომაუწყებლობაში უბრალოდ არაეფექტური აღმოჩნდა.br> საქტელერადიომაუწყებლის სისტემაში განხორციელებული რეფორმის მონიტორინგის ანგარიშის პრეზენტაცია ახალგაზრდა იურისტთა ასოციაციის ოფისში გაიმართა.
იხილეთ მიმაგრებული დოკუმენტი:

*	რეფორმა “საქტელერადიომაუწყებლობაში” - მითი თუ სინამდვილე

2005 წელს საქართველოს ახალგაზრდა იურისტთა ასოციაციამ ანტიკორუფციული კამპანია “საქართველოს მთავრობა თაკარა მზის ქვეშ” ფარგლებში გამოსცა საქართველოს პრეზიდენტის სარეზერვო ფონდის ფინანსური მონიტორინგის პირველი ანგარიში. კვლევაში მოცემულია 2004 წლის და 2005 წლის პირველი კვარტლის პერიოდში განხორციელებული ხარჯვის შეფასების შედეგები.
კვლევის შედეგებმა ცხადყო, რომ საქართველოს პრეზიდენტი სარეზერვო ფონდებიდან კანონით დაშვებულ მოცულობაზე ბევრად მეტ თანხას განკარგავდა, ამასთან სარეზერვო ფონდიდან თანხები იხარჯებოდა კანონით გათვალისწინებული წესების დარღვევით, კერძოდ ხმარდებოდა არა ფორს-მაჟორული ანუ “საგანგებო და გაუთვალისწინებელი ღონისძიებების” დაფინანსებას, როგორც ეს კანონითაა დადგენილი, არამედ, ისეთ ღონისძიებებს, როგორიცაა თანამდებობის პირთა ვიზიტები, კონცერტები, ბანკეტები და სხვა. აქვე, გამოვლინდა სარეზერვო ფონდიდან გამოყოფილი თანხებით შეძენილი სახელმწიფო ქონების არამიზნობრივი განკარგვის ფაქტები. საბოლოო ჯამში კი, ფონდის პირდაპირ სამიზნე ჯგუფს, სტიქიის შედეგად დაზარალებულ პირებს აღნიშნული ფონდიდან არაფერი ერგოთ.
იხილეთ მიმაგრებული დოკუმენტი

*	“საქართველოს მთავრობა თაკარა მზის ქვეშ” კამპანიის პირველი ანგარიში

მე-20 საუკუნის 70-იან წლებში მომხდარი ცნობილი “უოთერგეითის” სკანდალი საფუძვლად დაედო ამერიკის შეერთებულ შტატებში Sunshine Laws ანუ “თაკარა მზის კანონების” მიღებას, რომლებიც ავალდებულებდა სახელმწიფოს ემუშავა ღიად და გამჭვირვალედ საზოგადოების მეთვალყურეობის ქვეშ.
“თაკარა მზის კანონები” მალე დემოკრატიის აუცილებელ ელემენტად და მთელი მსოფლიოსათვის მისაბაძ მიგნებად იქცა, ყოველწლიურად რამდენიმე ქვეყანა უერთდება ინფორმაციის თავისუფლების დამცვლეთა რიცხვს და მთელ მსოფლიოში 70-ზე მეტ ქვეყანას აქვს ინფორმაციის თავისუფლების აქტი. საქართველო მათ რიცხვს 1999 წელს შეუერთდა ზოგადი ადმინისტრაციული კოდექსის (III თავი _ ინფორმაციის თავისუფლება) მიღების გზით.
2005 წელს საქართველოს ახალგაზრდა იურისტთა ასოციაციამ წამოიწყო კამპანია “საქართველოს მთავრობა თაკარა მზის ქვეშ”. აღნიშნული კამპანია სწორედ “თაკარა მზის კანონების” ცნებით იყო ინსპირირებული.
კამპანიის ფარგლებში განხორციელდა არა ერთი ანტიკორუფციული მონიტორინგი, მისი ერთ-ერთი ფოკუსი იყო საქართველოს პრეზიდენტისა და მთავრობის სარეზერვო ფონდების ხარჯვის საკითხები.
საზოგადოებრივი ინტერესი კამპანიის მიმართ იმდენად მაღალი იყო, რომ ერთ-ერთი მონიტორინგის შედეგებმა სტუდია “რეპორტიორის” მხარდაჭერით ფილმის სახეც მიიღო.
გთავაზობთ ფილმს: “ხელგაშლილი პრეზიდენტი”

2008 წლის 6 აგვისტოს სასტუმრო ამბასადორში ინფორმაციის თავისუფლებასთან დაკავშირებული ადმინისტრაციული საჩივრების განხილვის პრაქტიკის ანალიზის პრეზენტაცია მოხდა. ამავე დღეს საიამ საქართველოს საკონსტიტუციო სასამართლოში შეიტანა სარჩელი, რომლის თანახმადაც საია იმ ნორმის ანტიკონსტიტუციურად ცნობას მოითხოვს, რომელიც ადმინისტრაციული საჩივრის წარდგენის ვალდებულებას აწესებს პირის მიერ სასამართლოსამი მიმართვამდე.
კვლევის მიზანი იყო ადმინისტრაციული საჩივრების მექანიზმის ეფექტურობის შეფასება, რაც გაპირობებული გახლდათ ბოლოდროინდელი ცვლილებებით, კერძოდ, 2007 წლის დეკემბრის ცვლილებებმა სასამართლოსადმი მიმართვამდე ადმინისტრაციული საჩივრის ერთჯერადად წარდგენის სავალდებულოობა განსაზღვრა.
კვლევის შედეგად გამოიკვეთა შემდეგი პრობლემური საკითხები:
    • რამდენად ეფექტურია ადმინისტრაციული საჩივრის მექანიზმი და შეხვდნენ თუ არა მომზადებულები ადმინისტრაციული ორგანოები ამ საკანონმდებლო ცვლილებას?
    • ადმინისტრაციული საჩივრის სავალდებულო ხასიათი ხომ არ არღვევს ინფორმაციის მიღებისა და სასამარლოსადმი მიმართვის უფლებას?
    • საჩივრის განხილვისას დაშვებული პროცედურული დარღვევები უფრო მეტად ხომ არ გაზრდის სასამართლოების გადატვირთულობას?
    • როგორ არის შესაძლებელი აღნიშნული დარღვევების აღმოფხვრა და მათი პრევენცია?
კვლევის ფარგლებში საიამ 100 განცხადებით და მოგვიანებით 83 საჩივრით მიმართა ადმინისტრაციულ ორგანოებს. წარდგენილი საჩივრების 62,65% ყოველგვარი რეაგირების გარეშე დარჩა.
იხილეთ მიმაგრებული დოკუმენტები
    * პრეზენტაცია

*	კვლევის შედეგები - ადმინისტრაციული საჩივრების განხილვა საქართველოში

2008 წლის 5 აგვისტოს ინფორმაციის თავისუფლების კვირეული სასამართლო პრაქტიკის ანალიზის პრეზენტაციით გაგრძელდა.
ინფორმაციის თავისუფლებასთან დაკავშირებული საქმეების ანალიზში ასახულია 2005 წლიდან 2008 წლამდე საქართველოს საერთო სასამართლოების მიერ განხილულ დავები. პრეზენტაციის შემდეგ განხილულ იქნა ისეთი პრობლემური საკითხები, როგორიცაა სასამართლო გადაწყვეტილებების დაუსაბუთებლობა, პერსონალური მონაცემების დაცვა, საჯარო სამართლებრივი უფლებამოსილების განმარტება, კერძო სამართლის იურიდიული პირების საქმიანობის გამჭვირვალობის საკითხი, მაღალი სახელმწიფო ბაჟი, საგადასახადო საიდუმლოების ცნება და ა.შ.
დისკუსიაში მონაწილეობდნენ მოსამართლეები, საჯარო დაწესებულებების, არასამთავრობო ორგანიზაციებისა და მედიის წარმომადგენლები.
დისკუსიამ ცხადი გახადა, რომ ინფორმაციის თავისუფლების თემა დღითიდღე სხვადასხვა მნიშვნელოვან ასპექტს იძენს, თუმცა სასამართლო პრაქტიკა შესამჩნევი პროგრესის მიუხედავად არ არის ერთგვაროვანი და თანმიმდევრული.
იხილეთ მიმაგრებული დოკუმენტი:
    * პრეზენტაცია

ინფორმაციის თავისუფლების ნორმების განმარტება და დანერგვა პრაქტიკაში სასამართლო გადაწყვეტილებებით ხდება. მათ განსაკუთრებული გავლენა აქვთ გამჭვირვალეობის სტანდარტის გაუმჯობესებასა ან გაუარესებაზე, ამიტომ, მათი მნიშვნელობიდან გამომდინარე, საქართველოს ახლაგაზრდა იურისტთა ასოციაცია სისტემატურად ახორციელებს სასამართლო გადაწყვეტილებების მონიტორინგს და პერიოდულად გამოსცემს ინფორმაციის თავისუფლების სფეროში სასამართლო პრაქტიკის ანალიზს.
2008 წელს საიამ მოამზადა რიგით მესამე ინფორმაციის თავისუფლებასთან დაკავშირებული სასამართლო პრაქტიკის ანალიზი, რომელიც მოიცავს საქართველოს მასშტაბით ყველა სასამართლოს გადაწყვეტილებებს 2005 წლიდან. მოცემულ პერიოდში მნიშვნელოვნად გაიზარდა ინფორმაციის თავისუფლების სფეროში სასამართლო გადაწყვეტილებების რაოდენობა და პრაქტიკაც საკმაოდ მრავალფეროვანი გახდა. ანგარიშში განხილულია კომერციულ, პირად, სახელმწიფო, საგადასახადო საიდუმლოებასთან დაკავშირებით მიღებული, ასევე ზოგადად ინფორმაციის ხელმისაწვდომობასთან დაკავშირებით მიღებული სასამართლო გადაწყვეტილებები.
იხილეთ მიმაგრებული დოკუმენტი:

*	ინფორმაციის თავისუფლებასთან დაკავშირებული სასამართლო პრაქტიკის ანალიზი – ნაწილი III

ინფორმაციის თავისუფლების კვირეულის ფარგლებში 2008 წლის 4 აგვისტოს საქართველოს ახალგაზრდა იურისტთა ასოციაციამ სასტუმრო ამბასადორში მოახდინა ინფორმაციის თავისუფლებასთან დაკავშირებული სასამართლო და ადმინისტრაციული ორგანოების გადაწყვეტილებების მონაცემთა ბაზების (www.gyla.ge/foicourt და www.gyla.ge/foiadmin) პრეზენტაცია. მონაცემთა ბაზებში თავმოყრილია საქართველოს მასშტაბით ყველა სასამართლო და ადმინისტრაციული ორგანოს მიერ მიღებული გადაწყვეტილების შესახებ ინფორმაცია.
სულ სასამართლო გადაწყვეტილებების მონაცემთა ბაზაში - www.gyla.ge/foicourt მოცემულია 193 გადაწყვეტილება, აქედან 190 მიღებულია საერთო სასამართლოების, ხოლო დანარჩენი 3 – საკონსტიტუციო სასამართლოს მიერ.
ადმინისტრაციული ორგანოების გადაწყვეტილებების მონაცემთა ბაზაში - www.gyla.ge/foiadmin კი, თავმოყრილია ყველა ადმინისტრაციული ორგანოს მიერ მიღებული სულ 100 გადაწყვეტილება, რომელთაგან, 97 ინიცირებულია ახალგაზრდა იურისტთა ასოციაციის მიერ

კვირეულის ფარგლებში 2008 წლის 3 აგვისტოს ახალგაზრდა იურისტთა ასოციაციამ გამართა სემინარი თბილისის ადგილობრივი თვითმმართველობის წარმომადგენლებისათვის ინფორმაციის თავისუფლების თემაზე. სემინარში მონაწილებდნენ თბილისის მერიის, საკრებულოს და რაიონული გამგეობების თანამშრომლები და საჯარო ინფორმაციის გაცემაზე პასუხისმგებელი პირები.
სემინარზე განხილულ იქნა საჯარო ინფორმაციის გაცემის პროცედურები, ასლის გადაღების მოსაკრებლის საკითხი, 10 დეკემბრის ანგარიშები, საიდუმლო ინფორმაციის კატეგორიები, ადმინისტრაციული საჩივრების განხილვის პროცედურები და სხვა მნიშვნელოვანი საკითხები.

ინფორმაციის თავისუფლების კვირეულის ფარგლებში საქართველოს ახალგაზრდა იურისტთა ასოციაციისა და აფხაზეთის ავტონომიური რესპუბლიკის მთავრობის ორგანიზებით 2008 წლის 1 აგვისტოს ჩატარდა სემინარი აფხაზეთის მთავრობის წარმომადგენლებისათვის. სემინარის თემა იყო ინფორმაციის თავისუფლება.
სემინარში მონაწილეობდნენ აფხაზეთის ა/რ მთავრობის, სამინისტროების და დეპარტამენტების საზოგადოებასთან ურთიერთობის სამსახურების წარმომადგენლები და საჯარო ინფორმაციის ხელმისაწვდომობაზე პასუხისმგებელი პირები.
სემინარის მიმდინარეობისას განხილულ იქნა ინფორმაციის თავისუფლების მნიშვნელობა, თანამედროვე გამოწვევები და პრობლემები, საზოგადოებასთან ურთიერთობის სამსახურების როლი და ფუნქციები, პრესსამსახური მუშაობის დროს, განცხადებასთან დაკავშირებული სავადლებულო წარმოება, 10 დეკემბრის ანგარიშები, საჯარო ინფორმაციის ასლის გადაღების მოსაკრებლის გადახადასთან დაკავშირებული სირთულეები.
მონაწილეთა განსაკუთრებული დაინტერესება გამოიწვია საიდუმლო ინფორმაციის სახეებზე მსჯელობამ, პერსონალური მონაცემების დაცვის საკითხმა. Aასევე, აქტიური განხილვის საგანი გახდა ადმინისტრაციული საჩივრის ინსტიტუტი და ადმინისტრაციულ საჩივართან დაკავშირებული წარმოება, რადგან სემინარის მონაწილეების განმარტებით მათ დაწესებულებებში ადმინისტრაციული საჩივრების განხილვის პრაქტიკა ძალზე მწირია.
სემინარის დასრულებისას საჯარო დაწესებულებების წარმომადგენლებს გადაეცათ მონაწილეობის დამადასტურებელი სერტიფიკატი.
იხილეთ მიმაგრებული დოკუმენტი:
    * ტრენინგის მასალები
    * პრეზენტაცია

საქართველოს ახალგაზრდა იურისტთა ასოციაციამ საქართველოში ეუთოს მისიის ფინანსური მხარდაჭერით 2007 წლის 6-11 დეკემბერს დაბა გუდაურში გამართა ტრენინგი თემაზე: “ინფორმაციის თავისუფლება – საზოგადოებრივი კონტროლის მექანიზმი ჟურნალისტებისათვის”.

აღნიშნულ ტრენინგში მონაწილეობდა 83 მოქმედი ჟურნალისტი და ჟურნალისტიკის ფაკულტეტის სტუდენტი. მონაწილეთა შერჩევა მოხდა კონკურსის საფუძველზე, გეორგაფიული ბალანსის დაცვით. ტრენინგებში ასევე მონაწილებდნენ ეროვნული უმცირესობების წარმომადგენლები ქვემო ქართლისა და სამცხე-ჯავახეთის რეგიონებიდან. ტრენინგებზე განსაკუთრებული ყურადღება დაეთმო: სიტყვისა და გამოხატვის თავისუფლების საერთაშორისო სტანდარტებს; საჯარო ინფორმაციის მოთხოვნის ფორმასა და წესს; საიდუმლო ინფორმაციის სახეებს და ა. შ. ტრენინგის მიმდინარეობისას გამოყენებულ იქნა პრაქტიკული სავარჯიშოები და ჯგუფური მუშაობის მეთოდები.

ციტატები უკუგების ფორმებიდან:

ტრენინგების სერიის დასრულებისთანავე საიამ შექმნა ქსელი “ინფორმაციის თავისუფლება მედიისთვის” GYLA_Foi_For_Media@yahoogroups.com, სადაც ჟურნალისტებს საშუალება აქვთ გაცვალონ ინფორმაცია, აზრები, ან უბრალოდ კავშირი ჰქონდეთ ერთმანეთთან.

მისქერეთ ტრენინგის მონაწილეებს: GYLA_Foi_For_Media@yahoogroups.com

იხილეთ მიმაგრებული მასალები:
    * ტრენინგის მასალები
    * პრეზენტაცია

საქართველოში ინფორმაციის თავისუფლების მდგომარეობის შეფასების მიზნით, ახალგაზრდა იურისტთა ასოციაციამ 2007 წელს მოამზადა ანგარიში – ინფორმაციის თავისუფლება საქართველოში. ანგარიშის მიზანს წარმოადგენა საჯარო ინფორმაციის ხელმისაწვდომობასთან დაკავშირებული პრობლემატური სფეროების გამოკვეთა და შესაბამისი რეკომენდაციების შემუშავება. ანგარიშში ხაზგასმულია შემდეგი საკითხები: იინფორმაციის თავისუფლების მოქმედების სფერო; საჯარო ინფორმაციის ასლის გადაღების მოსაკრებელი; 10 დეკემრის ანგარიშები; ინფორმაციის ხელმისაწვდომოზე პასუხისმგებელი პირების პასუხისმგებლობის საკითხი და სხვა. ასევე, ანგარიშში მოცემულია საიას მიერ შემუშავებული რეკომენდაციები.
იხილეთ მიმაგრებული დოკუმენტი:

*	ინფორმაციის თავისუფლება საქართველოში

პერსონალური მონაცემების დაცვის საკითხს ქართულ კანონმდებლობაში საკმაოდ მწირი რეგულირება ეთმობა, აქტუალურია ამ სფეროში ამომწურავი კანონპროექტის შემუშავება და კანონის მიღება. პერსონალური მონაცემების დაცვის სფეროში საკანონმდებლო რეგულირების შექმნის მხარდაჭერის მიზნით საქართველოს ახალგაზრდა იურისტთა ასოციაციამ შეისწავლა სხვადასხვა ქვეყნების საუკეთესო გამოცდილება და მოამზადა პერსონალური მონაცემების სფეროში საზღვარგარეთის ქვეყნების კანონმდებლობის ანალიზი. აღნიშნული ანალიზი მოიცავს ცხრა ქვეყნის კანონმდებლობის შესახებ ინფორმაციას, ესენია: ესტონეთი, ლატვია, ლიტვა, პოლონეთი, საფრანგეთი, ჰოლანდია, გერმანია, ინგლისი, უნგრეთი. წარმოდგენილ პუბლიკაციაში დაინტერესებულ პირებს შეუძლიათ იხილონ პერსონალური მონაცემების დაცვის სფეროში მსოფლიოს საუკეთესო პრაქტიკა.br />
ზზემოთ აღნიშნული ორი ანგარიშის: “ინფორმაციის თავისუფლება საქართველოში” და “პერსონალური მონაცემების სფეროში საზღვარგარეთის ქვეყნების კანონმდებლობის ანალიზი” პრეზენტაცია 2007 წლის 10 ივლისს გაიმართა სასტუმრო “ქორთიარდ მერიოტში”.
იხილეთ მიმაგრებული დოკუმენტი:

*	პერსონალური მონაცემების დაცვა – საზღვარგარეთის ქვეყნების კანონმდებლობის ანალიზი

    * პრეზენტაცია

საჯარო ინფორმაციის ასლის გადაღების მოსაკრებელი შემოღებულ იქნა 2005 წელს ერთიანი სტანდარტის დასაწესებლად, თუმცა მის პრაქტიკაში დანერგვას მრავალი პრობლემა მოჰყვა. სხვადასხვა საჯარო დაწესებულებებისათვის, მათი საქმიანობის სპეციფიკიდან გამომდინარე, მოსაკრებლის კანონით გათვალისწინებული წესით მიღება გადაულახავ დილემად იქცა და შედეგად, არაერთგვაროვანი პრაქტიკა კანონდარღვევაში გადაიზარდა. ახალგაზრდა იურისტთა ასოციაციამ 2007 წლის 7 მარტს საჯარო ინფორმაციის ასლის გადაღების მოსაკრებელთან დაკავშირებული პრობლემების გადაჭრის მიზნით, გამართა სამუშაო შეხვედრა, თემაზე: strong>“როგორ დავამკვიდროთ ერთიანი სტანდარტი ასლის გადაღების მოსაკრებლის გადახდასთან დაკავშირებით?” შეხვედრაზე განხილულ იქნა საჯარო ინფორმაციის ასლის გადაღების მოსაკრებლის გადახდის სამართლებრივი რეგულირება, ასლის გადაღების მოსაკრებლის გადახდის არსებული პრაქტიკა და პრობლემის გადაჭრის გზები.
სამუშაო შეხვედრისათვის შემუშავდა შემდეგი რეკომენდაციები:
    a) საჯარო დაწესებულებებმა უნდა შეიმუშავონ შიდა აქტები, რომლითაც განისაზღვრება საჯარო ინფორმაციის გაცემაზე პასუხისმგებელი პირები _ მათი ვალდებულებები. საჯარო ინფორმაციის ასლის გადაღების მოსაკრებლის გადახდის წესები და პასუხისმგებელი პირები. საჯარო ინფორმაციის ასლის გადაღების შედეგად სალაროში ჩარიცხული ფულადი სახსრების ბიუჯეტის შესაბამის ანგარიშზე გადარიცხვის წესები;
    b) საკანონმდებლო ცვლილებების შედეგად უნდა დაწესდეს გარკვეული ზღვარი (დაახლოებით 3 ლარი), რომლის ფარგლებში საჯარო ინფორმაციას საჯარო დაწესებულებები გასცემენ უფასოდ, ხოლო დადგენილ ზღვარს ზემოთ გაცემული ინფორმაციისათვის მოქალაქე გადაიხდის კანონით დადგენილ მოსაკრებელს.

& 

იხილეთ მიმაგრებული დოკუმენტები:
    * კანონმდებლობის ანალიზი
    * პრეზენტაცია

10 დეკემბრის ანგარიშის, ანუ საჯარო დაწესებულების მიერ ინფორმაციის თავისუფლების მოთხოვნათა დაცვის შესახებ წლიური ანგარიშის მომზადებაში საჯარო დაწესებულებების მხარდასაჭერად, 2006 წლის 17 ნოემბერს ახალგაზრდა იურისტთა ასოციაციის ოფისში გაიმართა სამუშაო შეხვედრა, თემაზე: “strong>როგორ დავწეროთ 10 დეკემბრის ანგარიში ინფორმაციის თავისუფლების შესახებ”. სამუშაო შეხვედრაზე განხილული იყო გასული წლების პრაქტიკა და ანგარიშის კანონით გათვალისწინებული შინაარსი. ასევე, სპეცალურად მოცემული შეხვედრისთვის საიას მიერ შეიქმნა “10 დეკემბრის ანგარიშის” სანიმუშო მოდელი.
უუნდა აღინიშნოს, რომ მოცემულ წელს წარდგენილი ანგარიშების შინაარსობრივი მხარე ხარისხით მნიშვნელობვნად აღემატებოდა წინა წლების განმავლობაში წარდგენილ ანგარიშებს.
იხილეთ მიმაგრებული დოკუმენტები:
    * 10 დეკემბრის ანგარიშის” სანიმუშო მოდელი
    * პრეზენტაცია

ინფორმაციის მიღების უფლება ნებისმიერი პირის ფუნდამენტური უფლებაა, ამიტომ ახალგაზრდა იურისტთა ასოციაციამ ევროპის კავშირის ფინანსური დახმარებით შექმნა ბროშურა “შენ უფლება გაქვს. . . “, სადაც მოკლედ, მარტივად და ამავე დროს ამომწურავად არის მოცემული ყველა ის ინფორმაცია, რაც მოქალაქეს შეიძლება დასჭირდეს საჯარო დაწესებულებიდან ინფორმაციის გამოსათხოვად. br /> ააღნიშნული ბროშურა ითარგმნა რუსულ, სომხურ და აზერბაიჯანულ ენებზე და გავრცელდა რეგიონებში, როგორც ქართულ ენოვან, ასევე ეროვნული უმცირესობების წარმომადგენელ მოსახლეობას შორის.
იხილეთ მიმაგრებული დოკუმენტები:

*	“შენ უფლება გაქვს. . . “ - ქართული ვერსია;

*	“შენ უფლება გაქვს. . . “ - რუსული ვერსია;

*	“შენ უფლება გაქვს. . . “ - სომხური ვერსია;

*	“შენ უფლება გაქვს. . . “ - აზერბაიჯანული ვერსია;

ინფორმაციის ხელმისაწვდომობა ყველაზე მეტად მაშინ იზღუდება, როდესაც იგი გამოძიების ინტერესებთან იკვეთება. შეიძლება თუ არა ყოველთვის, როდესაც გამოძიებასთან დაკავშირებულ ინფორმაციას ვითხოვთ უარი ინფორმაციის გაცემაზე “გამოძიების ინტერესებით” გამართლდეს და სად არის ზღვარი? აღნიშნული საკითხი ახალგაზრდა იურისტთა ასოციაციამ 2006 წელს პრემიერ მინისტრ – ზურაბ ჟვანიას გარდაცვალების მაგალითზე განიხილა ანგარიშში - “strong>ინფორმაციის თავისუფლება და გამოძიების ინტერესები”, სადაც კიდევ ერთხელ დასაბუთდა, რომ “უპირობოდ საიდუმლო ინფორმაცია” არ არსებობს.

აანგარიშის პრეზენტაცია 2006 წლის 3 ოქტომბერს გაიმართა სასტუმრო “თორში”.
იხილეთ მიმაგრებული დოკუმენტი:

*	ინფორმაციის თავისუფლება და გამოძიების ინტერესები

2006 წელს ინტერ-ამერიკულმა სასამართლომ მიიღო გადაწყვეტილება ჩილეს წინააღმდეგ, რომელშიც ინფორმაციის თავისუფლება მოიხსენია ადამიანის ფუნდამენტურ უფლებად. ეს იყო პირველი შემდთხვევა, როდესაც საერთაშორისო სასამართლოს მხრიდან ინფორმაციის თავისუფლება აღიარებულ იქნა ადამიანის ძირითად უფლებად. ამ ფაქტს, საქართველოს ახალგაზრდა იურისტთა ასოციაციამ მიუძღვნა სტატიათა კონკურსი - “strong>ინფორმაციის თავისუფლება _ ადამიანის ფუნდამეტური უფლება?”. საკონკურსო კომისიის წევრებმა კონკურსანტთა ნაშრომებიდან გამოავლინეს სამი საუკეთესო სტატია, რომლებიც საბოლოოდ კონკურსში გამარჯვებული თემების სახით გამოიცა. კკონკურსის შედეგების პრეზენტაცია და გამარჯვებულთა დაჯილდოვება გაიმართა 2006 წლის 17 დეკემბერს, ახალგაზრდა იურისტთა ასოციაციის ოფისში. სამი საუკეთესო სტატიის ავტორებს გადაეცათ შესაბამისი სერტიფიკატები და პრიზები.

იხილეთ მიმაგრებული დოკუმენტი:

*	სტატიათა კონკურსში გამარჯვებული თემების ნაკრები

ინფორმაციის თავისუფლებასთან დაკავშირებული სასამართლო პრაქტიკის ანალიზის მეორე გამოცემა ახალგაზრდა იურისტთა ასოციაციამ მოამზადა 2005 წელს და იგი მოიცავდა პერიოდს 2004 წლის იანვრიდან 2005 წლის აპრილამდე. ანალიზში განხილულია ინფორმაციის თავისუფლების საკითხებთან დაკავშირებული გასაჩივრების კანონმდებლობით დადგენილი მექანიზმები და მათი ეფექტურობის საკითხები; საგადასახადო საიდუმლოების, პერსონლური მონაცემების, გარემოს დაცვით საკითხებზე სასამართლოს გადაწყვეტილებები და მრავალი სხვა პრობლემატური თემები.
იხილეთ მიმაგრებული დოკუმენტი:

*	ინფორმაციის თავისუფლებასთან დაკავშირებული სასამართლო პრაქტიკის ანალიზი – ნაწილი II

საჯარო დაწესებულებები ზოგადი ადმინისტრაციული კოდექსის 49-ე მუხლის თანახმად, ვალდებულნი არიან ყოველი წლის 10 დეკემბერს საქართველოს პრეზიდენტსა და პარლამენტს წარუდგინონ ანგარიში ინფორმაციის თავისუფლების მდგომარეობის შესახებ, კერძოდ ინფორმაცია მათ მიერ წლის განმავლობაში ინფორმაციის თავისუფლების მოთხოვნათა დაცვის შესახებ. აღნიშნული ემსახურება გამჭვირვალეობის სფეროში საჯარო დაწესებულებების ანგარიშვალდებულების გაზრდას და პრეზიდენტისა და პარლამენტის ინფორმირებას არსებული მდგომარეობის შესახებ. საინტერესოა ასრულებენ თუ არა საჯარო დაწესებულებები ამ ვალდებულებას და რეაგირებენ თუ არა პრეზიდენტი და პარლამენტი დარღვევებზე. 2005 წელს საიამ კამპანია “strong>საქართველოს მთავრობა თაკარა მზის ქვეშ” მეორე ანგარიშში შშეისწავლა საჯარო დაწესებულებების მიერ წარდგენილი ანგარიშები, შედეგად კი, გამოავლინა, რომ კანონის ეს მოთხოვნა ხშირ შემთხვევაში ფორმალობად რჩება. საჯარო დაწესებულებების მხოლოდ მიზერული რაოდენობა წარადგენს ყოველწლიურად ანგარიშს, ხოლო პრეზიდენტისა და პარლამენტის მხრიდან ამ დარღვევას არანაირი რეაგირება არ მოყვება.
იხილეთ მიმაგრებული დოკუმენტი:

*	“საქართველოს მთავრობა თაკარა მზის ქვეშ” მეორე ანგარიში

რამდენად ეფექტურია ინფორმაციის მიღების დარღვეული უფლების აღსადგენად სასამართლოსათვის მიმართვა? ამ კითხვაზე პასუხის მისაღებად და სასამართლო გადაწყვეტილებების ტენდენციების შესასწავლად ახალგაზრდა იურისტთა ასოციაციამ strong>ინფორმაციის თავისუფლებასთან დაკავშირებული სასამართლო პრაქტიკის ანალიზი გააკეთა. აღნიშნული ანგარიში წარმოადგენდა რიგით პირველ ანალიზს და აერთიანებდა 2000 წლიდან (ანუ ზოგადი ადმინისტრაციული კოდექსის ძალაში შესვლიდან) 2004 წლამდე მიღებულ სასამართლო გადაწყვეტილებებს. კვლევაში აქცენტი გაკეთდა ინფორმაციის თავისუფლების გავრცელების სფეროზე; ნორმების განსხვავებული განმარტების პრობლემეზე; პირად და კომერციულ საიდუმლოებაზე; ზიანის ანაზღაურების საკითხებსა და სხვა საყურადღებო სფეროებზე.

იხილეთ მიმაგრებული დოკუმენტი:

*	ინფორმაციის თავისუფლებასთან დაკავშირებული სასამართლო პრაქტიკის ანალიზი – ნაწილი I

ინფორმაციის ხელმისაწვდომობაზე შეზღუდვების დაწესების წესები საერთაშორისო სტანდარტებით არის გათვალისწინებული, რომელთა თანახმად, შეზღუდვა გამონაკლისის სახით უნდა არსებობდეს, გამონაკლისი ნათლად და ვიწროდ უნდა იყოს ფორმულირებული და უნდა ექვემდებარებოდეს “ზიანის” და “საზოგადოებრივი ინტერესის ტესტს”.br /> დეტალური ინფორმაცია ინფორმაციის თავისუფლების შეზღუდვის საერთაშორისო სტანდარტებისა და ამ მიმართულებით სხვადასხვა ქვეყნების გამოცდილების შესახებ შეგიძლიათ იხილოთ ახალგაზრდა იურისტთა ასოციაციის მიერ მოზადებულ ბროშურაში - “ინფორმაციის თავისუფლება და გამოიძიების ინტერესები””.

იხილეთ მიმაგრებული დოკუმენტი:
    * ინფორმაციის თავისუფლება და გამოიძიების ინტერესები

ყველას აქვს უფლება მოითხოვოს და მიიღოს სახელმწიფო ინსტიტუტებში არსებული ინფორმაცია და აირჩიოს მისი ფორმა, ხოლო საჯარო დაწესებულება ვალდებულია უზრუნველყოს საჯარო ინფორმაციის ასლების ხელმისაწვდომობა.
საქართველოს ზოგადი ადმინისტრაციული კოდექსის 78-ე მუხლის თანახმად, განცხადება უნდა მოიცავდეს:
    1. იმ ორგანოს დასახელებას, რომელსაც მიმართავს განმცხადებელი;
    2. მოთხოვნას;
    3. განმცხადებლის ვინაობასა და მისამართს;
    4. განცხადების წარდგენის თარიღსა და განმცხადებლის ხელმოწერას;
განმცხადებელი არ არის ვალდებული მიუთითოს საჯარო ინფორმაციის მოთხოვნის მოტივი ან მიზანი.
ჩამოტვირთეთ განცხადების ფორმა, შეავსეთ და მოითხოვეთ საჯარო ინფორმაციის მოწოდება.

საქართველომ ხელი მოაწერა პირველ საერთაშორისო ხელშეკრულებას ინფორმაციის ხელმისაწვდომობის შესახებ

2009 წლის 18 ივნისს, ნორვეგიაში ქალაქ ტრომსოში ევროპის საბჭოს თორმეტმა წევრმა ქვეყანამ , მათ შორის, საქართველომ ხელი მოაწერა ევროპის საბჭოს ოფიციალური დოკუმენტების ხელმისაწვდომობის შესახებ კონვენციას.

კონვენცია პირველი იურიდიულად სავალდებულო დოკუმენტია, რომელიც ინფორმაციის მიღების უფლებას ადამიანის ფუნდამეტურ უფლებად აღიარებს. აღსანიშნავია, რომ 2009 წლის აპრილში ადამიანის უფლებათა ევროპულმა სასამართლომა საქმეში უნგრეთის სამოქალაქო თავისუფლებათა კავშირი უნგრეთის წინააღმდეგ , განაცხადა, რომ ევროპის კონვენციის მე-10 მუხლით გათვალისწინებული ინფორმაციის თავისუფლება საიცოცხლოდ მნიშვნელოვანია დემოკრატიისა და სახელმწიფოს ანგარიშვალდებულებისათვის.

საქართველოს ახალგაზრდა იურისტთა ასოციაცია სხვა ევროპულ არასამთავრობო ორგანიზაციებთან ერთად აქტიურად მონაწილეობდა კონვენცის შემუშავების პროცესში. სამწუხაროდ, კონვენცია ინფორმაციის თავისუფლების უფრო დაბლ სტანდარტს ადგენს, ვიდრე ეს საქართველოს კანონმდებლობასა და პრაქტიკაში არის გათვალისწინებული, მაგრამ ის მაინც პირველი იურიდიულად სავალდებულო საერთაშორისო დოკუმენტია, რომელიც ინფორმაციის მიღების უფლებას აღიარებს ადამიანის ფუნდამეტურ უფლებად.

ხელმოწერების შემდეგ დაიწყება სარატიფიკაციო პროცესი, ხოლო 10 ქვეყნის მიერ კონვენცის რატიფიცირების შემთხვევაში ძალაში შევა ის დამატებითი დებულებები, რომლებიც სასამართლო და საკანონმდებლო ორგანოებში დაცული ინფორმაციის ხელმისაწვდომობას გულისხმობს.

ტრენინგი ინფორმაციის თავისუფლების შესახებ

ადამიანის უფლებათა კვირეულის ფარგლებში ეუთოს ფინანსური მხარდაჭერით 2008 წლის 13-14 დეკემბერს ზუგდიდში ჩატარდა ტრენინგი ჟურნალისტებისთვის ინფორმაციის თავისუფლების შესახებ.
საიას ინფორმაციით საქართველოს ზოგადი ადმინისტრაციული კოდექსის მიღებიდან დღემდე ზუგდიდის რაიონულ სასამართლოს არცერთი საქმე არ განუხილავს ინფორმაციის თავისუფლების შესახებ. არც საიას სასამართლო გადაწყვეტილებების მონაცემთა ბაზაში (www.gyla.ge/foicourt) და არც ადმინისტრაციული ორგანოების მონაცემთა ბაზაში (www.gyla.ge/foiadmin) ასეთი გადაწყვეტილებები არ გვხვდება. სწორედ ამიტომ, ტრენინგის მიზანი იყო ინფორმაციის თავისუფლების ინსტრუმენტის გამოყენების ხელშეწყობა ჟურნალისტურ საქმიანობაში.
ტრენინგში მონაწილეობას იღებდნენ ზუგდიდში მომუშავე სხვადასხვა მედია საშუალებების ჟურნალისტები. ტრენინგზე განხილულ იქნა შემდეგი საკითხები:
• ინფორმაციის თავისუფლება, როგორც ადამიანის ფუნდამენტური უფლება;
• ინფორმაციის თავისუფლება, როგორც საზოგადოებრივი კონტროლის საშუალება;
• ინფორმაციის თავისუფლების გავცელების სფერო;
• საჯარო დაწესებულების ცნება, საჯარო ინფორმაციის არსი;
• ინფორმაციის თავისუფლების შეზღუდვა, საიდუმლო ინფორმაციის კატეგორიები, ზიანისა და საზოგადოებრივი ინტერესის სფერო;
• საჯარო ინფორმაციის გამოთხოვის პროცედურები, საჯარო ინფორმაციის ასლის გადაღების მოსაკრებელი;
• საჯარო ინფორმაციის ხელმისაწვდომობაზე პასუხისმგებელი პირის ინსტიტუტი;
• სასამართლო ორგანოები და ინფორმაციის თავისუფლება;
• საიას მონაცემთა ბაზები, როგორც ინფორმაციის წყარო;
• განცხადების შედგენა საჯარო ინფორმაციის გაცემის შესახებ;
• ადმინისტრაციული საჩივრის შედგენა უარის შემთხვევაში;
• სარჩელის წარდგენა სასამართლოში.
იხილეთ მიმაგრებული დოკუმენტები:
    * პრეზენტაცია
    * მონაწილეთა სია
    * დღის წესრიგი

ინფორმაციის თავისუფლება – ფუნდამენტური უფლება
 
10 დეკემბერი – ადამიანის უფლებათა საერთაშორისო დღე
 
ადამიანის უფლებათა კვირეულის ფარგლებში, 2008 წლის 10 დეკემბერს, საქართველოს ახალგაზრდა იურისტთა ასოციაციამ ეუთოს ფინანსური მხარდაჭერით გამართა შეხვედრა “ინფორმაციის თავისუფლება - ფუნდამენტური უფლება”. შეხვედრა გაიმართა კაფე “ქარავანში” და მას ესწრებოდნენ საჯარო დაწესებულებების ინფორმაციის გაცემაზე პასუხისმგებელი პირები, სხვადასხვა პრესამსამხურებისა და მედიის წარმომადგელები.
2008 წლის ბოლომდე ევროპის საბჭოს მინისტრთა კომიტეტმა უნდა მიიღოს კონვენცია
“ოფიციალურ დოკუმენტთა ხელმისაწვდომობის შესახებ”, კონვენციის მიხედვით ინფორმაციის მიღების უფლება აღიარებულ იქნება, როგორც ადამიანის ფუნდამენტური უფლება.
შეხვედრის პირველ ნაწილში განხილულ იქნა კონვენციის პროექტის შემუშავების პროცესი, დადებითი და უარყოფითი ელემენტები, კონვენციის პროექტის მიმართება საქართველოს კანონმდებლობასთან და ა.შ.
მეორე ნაწილში გაიმართა დაჯილდოვება. საქართველოს ახალგაზრდა იურისტთა ასოციაციის თავმჯდომარემ სიგელები გადასცა სხვადასხვა ნომინაციებში გამარჯვებულებს:
ინფორმაციის თავისუფლებასთან დაკავშირებით მიღებული ყველაზე დასაბუთებული უარი _ საქართველოს იუსტიციის მინისტრის მოადგილეს მაია კოპალეიშვილი

ინფორმაციის თავისუფლების სფეროში განსაკუთრებული დამსახურება - სახალხო დამცველი, სოზარ სუბარი და უზენაესი სასამართლოს მოსამართლე ნათია წკეპლაძე

ინფორმაციის თავისუფლების სფეროში მნიშვნელოვანი განვითარება – საქართველოს ცენტრალური საარჩევნო კომისია და შინაგან საქმეთა სამინისტრო

ინფორმაციის თავისუფლებასთან დაკავშირებით საუკეთესო ადმინისტრაციული წარმოება _ საქართველოს მთავრობის კანცელარია და ფინანსთა სამინისტრო

ყველაზე გამჭვირვალე პრესსამსახური _ საქართველოს იუსტიციის სამინისტრო და სახალხო დამცველის აპარატი

ჟურნალისტურ საქმიანობაში ინფორმაციის თავისუფლების დამკვიდრების ხელშეწყობა _ მაგდა მემანიშვილი, მაია მეცხვარიშვილი და საბა წიწიკაშვილი

ჟურნალისტურ საქმიანობაში სამართლებრივი მექანიზმების აქტიური გამოყენება _ ნინო ზურიაშვილი და გელა მთივლიშვილი

მედია ორგანიზაციების საქმიანობაში ინფორმაციის თავისუფლების დამკვიდრების ხელშეწყობა _ გაზეთები “რეზონანსი”, “ბათუმელები” და რადიო “თავისუფლება”

ინფორმაციის თავისუფლების თემის საუკეთესო გაშუქება _ ინტერნეტ-გამოცემა მედია.გე

ყველაზე ინფორმაციული ვებ-გვერდი _ საქართველოს განათლებისა და მეცნიერების სამინისტრო, უზენაესი სასამართლო და ქ. თბილისის მერია

ყველაზე გამჭვირვალე საჯარო დაწესებულება _ საქართველოს განათლებისა და მეცნიერების სამინისტრო და საქართველოს პარლამენტი.

იხილეთ მიმაგრებული დოკუმენტი:
    * ევროპის საბჭოს კონვენციის პროექტის პრეზენტაცია

2008 წლის 17-18 ნოემბერს საქართველოს ახალგაზრდა იურისტთა ასოციაციამ, დაბა გუდაურში ჩაატარა ტრენინგი ინფორმაციის თავისუფლების თემაზე ეროვნული უმცირესობების წარმომადგენელი ჟურნალისტებისათვის. სამუშაო ენები იყო რუსული და ქართული.
ტრენინგი გაიმართა საქართველოში ეუთოს მისიის ფინანსური მხარდაჭერით. მასში მონაწილეობა მიიღეს ახალციხის, ახალქალაქის, ნინოწმინდის, მარნეულის, გარდაბნის და სხვა რაიონებიდან წარმოდგენილმა ჟურნალისტებმა.
ტრენინგის მიმდინარეობისას განხილულ იქნა შემდეგი საკითხები: ეროვნული უმცირესობების წარმომადგენელთა უფლებები მათი გამოხატვის თავისუფლების დაცვის სტანდარტები, ინფორმაციის თავისუფლების მნიშვნელობა, მისი მარეგულირებელი ნორმები საერთაშორისო და ეროვნულ დონეზე. ინფორმაციის გამოთხოვის წესი, პროცედურები, საიდუმლო ინფორმაციის სახეები, ინფორმაციის გასაიდუმლოების კანონიერი საფუძვლები, გასაჩივრების მექანიზმები.
ინფორმაციის გამოთხოვისა და გასაჩივრების პრაქტიკული უნარ-ჩვევების გამომუშავების მიზნით 2 დღის განმავლობაში მონაწილეების მიერ განხილულ თემებთან დაკავშირებით შესრულებულ იქნა არაერთი პრაქტიკული სამუშაო.
ტრენინგის დასრულებისას ეროვნული უმცირესობების წარმომადგენელ ჟურნალისტებს გადაეცათ მონაწილეობის დამადასტურებელი სერტიფიკატი.
იხილეთ მიმაგრებული დოკუმენტები:
    * 17-18 ნოემბრის ტრენინგის დღის წესრიგი.
    * ტრენინგის მოდული რუსულ ენაზე.
    * პრეზენტაცია რუსულ ენაზე.

საია აგებს საქმეს და იგებს უფლებათა განმარტებებს

“მედისონი აგებს საქმეს და იგებს უფლებებს”
ა.შაიო
“ხელისუფლების თვითშეზღუდვა”

2008 წლის 30 ოქტომბერს საქართველოს საკონსტიტუციო სასამართლომ მიიღო გადაწყვეტილება საქმეზე “საქართველოს სახალხო დამცველი და საქართველოს ახალგაზრდა იურისტთა ასოციაცია საქართველოს პარლამენტის წინააღმდეგ.” მოსარჩელეები ითხოვდნენ საგადასახადო საიდუმლოების შესახებ საგადასახადო კოდექსის გარკვეული ნორმების არაკონსტიტუციურად ცნობას. ასოციაციას მიაჩნია, რომ საგადასახადო საიდუმლოების ინსტიტუტი კონსტიტუციასთან მოდის წინააღმდეგობაში, ვინაიდან ის არ განეკუთვნება კონსტიტუციით აღიარებული საიდუმლოების (კომერციული, სახელმწიფო, პროფესიული საიდუმლოება) არც ერთ სახეს. ამასთან, გადასახადის გადამხდელის შესახებ ნებისმიერი ინფორმაციის გასაიდუმლოება არ არის ვიწროდ მიზანმიმართული, აუცილებელი დემოკრატიულ საზოგადოებაში და მიზნის თანაზომიერი. ოფიციალურ დოკუმენტებზე ხელმისაწვდომობის აღნიშნული შეზღუდვა არ არის ზუსტად ჩამოყალიბებული, ბუნდოვანია და ეწინააღმდეგება საერთაშორისო სტანდარტებს. ასეთ ვითარებაში, საგადასახადო ორგანოებს ეძლევათ შესაძლებლობა თვითნებურად შეზღუდონ მათთან არსებული ინფორმაციის ხელმისაწვდომობა.
საკონსტიტუციო სასამართლომ სახალხო დამცველისა და საქართველოს ახალგაზრდა იურისტთა ასოციაციის კონსტიტუციური სარჩელები არ დააკმაყოფილა და მიიჩნია, რომ საგადასახადო კოდექსის სადავო მუხლები შესაბამისობაშია საქართველოს კონსტიტუციის 41-ე მუხლის მე-2 პუნქტთან. საგადასახადო საიდუმლოების შესახებ ნორმები უზრუნველყოფს გადასახადის გადამხდელების კერძო სფეროს მიკუთვნებული საკითხების ამსხველი მონაცემების გახმაურებისაგან დაცვას. სრულად...
იხილეთ მიმაგრებული დოკუმენტი:
    * საქართველოს საკონსტიტუციო სასამართლოს გადაწყვეტილება.

დამატებითი ინფორმაციისათვის იხილეთ საქართველოს საკონსტიტუციო სასამართლოს ვებ გვერდი.

2008 წლის 24-25 ოქტომბერს, დაბა გუდაურში საქართველოს ახალგაზრდა იურისტთა ასოციაციამ უმასპინძლა რიგით მეორე სამუშაო შეხვედრას ინფორმაციის თავისუფლების თემაზე, პრესსამსახურის წარმომადგენლებსა და ჟურნალისტებს შორის. აღნიშნული ღონისძიება საქართველოში ეუთოს მისიის ფინანსური მხარდაჭერით გაიმართა. გასულ კვირას გამართული შეხვედრისგან განსხვავებით, ღონისძიება ამჯერად სულ სხვა მიმართულებით წარიმართა, რაც გამოწვეული იყო, ასევე, აუდიტორიის განსხვავებული შემადგენლობითაც. შეხვედრას ესწრებოდნენ თავდაცვის სამინისტროს, საგარეო საქმეთა სამინისტროს, განათლებისა და მეცნიერების სამინისტროს, საქართველოს უზენაესი სასამართლოს, იუსტიციის უმაღლესი საბჭოს, სახალხო დამცვლის აპარატის, სახელმწიფო რწმუნებულებისა და გორის მუნიციპალიტეტის პრესსამსახურის წარმომადგენლები, ასევე, ჟურნალისტები რეგიონალური და ცენტრალური მედია-საშუალებებიდან. შეხვედრის ფარგლებში ადგილი ჰქონდა ფილმის ჩვენებას, გაიმართა საინტერესო დისკუსიები მონაწილეებს შორის. დისკუსიამ გამოკვეთა შემდეგი ძირითადი საკითხები:br>     - საზოგადოების წინაშე პრესსამსახურების ანგარიშვალდებულების გაზრდის საჭიროება;
    - საერთო სასამართლოების მოსამართლეთა დისციპლინური სამართალწარმოების კონფიდენციალურობა;
    - სასამართლოში ვიდეოგადაღების დაუშვებლობა;
    - კრიზისული სიტუაციიდან გამოსავლის ძიება;
    - ჟურნალისტების გათავისუფლება პასუხისმგებლობისაგან სახელმწიფო საიდუმლოების გამჟღავნებისას;
    - ინფორმაციის საიდუმლოდ ცნობის კანონიერების შემოწმების მექანიზმები;
    - ინფორმაციის თავისუფლება საქართველოს სისხლის სამართლის საპროცესო კოდექსის მიხედვით.
სამუშაო შეხვედრაზე მოწვეული იყვნენ, ასევე, შესაბამისი სფეროს ექსპერტები. პრესსამსახურის წარმომადგენლებსა და ჟურნალისტებს შორის გამართული ორი სამუშაო შეხვედრის ჯამში დაგროვილი მასალების საფუძველზე, საქართველოს ახალგაზრდა იურისტთა ასოციაცია ინფორმაციის თავისუფლების საკითხებზე რეკომენდაციების მოამზადებს.

საქართველოს ახალგაზრდა იურისტთა ასოციაციამ საქართველოში ეუთოს მისიის ფინანსური მხარდაჭერით 2008 წლის 18-19 ოქტომბერს დაბა გუდაურში გამართა პირველი სამუშაო შეხვედრა პრესსამსახურებისა და ჟურნალისტებისათვის ინფორმაციის თავისუფლების თემაზე. აღნიშნული სამუშაო შეხვედრის მიზანი იყო ამ სფეროში არსებული პრობლემატური საკითხების გამოკვეთა და მსჯელობა მათი დარეგულირების საშუალებებზე. სამუშაო შეხვედრაში მონაწილეობას იღებდნენ საქართველოს სხვადასხვა რეგიონების პრესსამსახურების, საზოგადოებასთან ურთიერთობის სამმართველოების, ტელევიზიების, რადიოების, გაზეთებისა და საინფორმაციო სააგენტოების წარმომადგენლები. შეხვედრის მონაწილეების მიერ გამოკვეთილ იქნა შემდეგი ძირითადი პრობლემები:
    • პრესსამსახურების უფლებებისა და მოვალეობების სფეროში ერთიანი სტანდარტის არარსებობა;
    • პრესსამსახურების დამოუკიდებლობის დაბალი ხარისხი;
    • ინფორმაციის სრულყოფილად და ოპერატიულად მოწოდების პრობლემა;
    • ძალოვანი უწყებების მიერ ინფორმაციის გაუცემლობა;
    • სამართლებრივი მექანიზმების იშვიათი გამოყენება ჟურნალისტების მიერ;
    • საჯარო ინფორმაციის გაცემაზე დაუსაბუთებელი უარის ტენდენცია.

იხილეთ მიმაგრებული დოკუმენტი:
    * სამუშაო შეხვედრის დღის წესრიგი.

28 სექტემბერი – ინფორმაციის თავისუფლების საერთაშორისო დღე

2008 წელი

28 სექტემბერს, ინფორმაციის თავისუფლების საერთაშორისო დღეს, 14:00 საათზე, ქალაქ გორში, გაიმართა მრგვალი მაგიდა სახელწოდებით „გამჭირვალობა, ანგარიშვალდებულება და მონაწილეობა დემოკრატიულ მხარდაჭერაში“. მრგვალი მაგიდის ორგანიზატორები იყვნენ საქართველოს ახალგაზრდა იურისტთა ასოციაცია, ასოციაცია მწვანე ალტერნატივა და საერთაშორისო გამჭირვალობა – საქართველო.
2008 წლის აგვისტოს ტრაგიკული მოვლენების შემდეგ საქართველოსთვის დახმარების გასაწევად საერთაშორისო საფინანსო ინსტიტუტები (მსოფლიო ბანკი, აზიის განვითარების ბანკი, ევროპის რეკონსტრუქციისა და განვითარების ბანკი, სავალუტო ფონდი), აგრეთვე ევროკავშირი, ამერიკის შეერთებული შტატები და სხვა დონორები მნიშვნელოვანი თანხების გამოყოფას გეგმავენ. ეს თანხები ქვეყანას ომის შედეგად მიღებული ზარალის შემცირებასა და შედგომ განვითარებაში მნიშვნელოვნად დაეხმარება, თუმცა, იმისთვის, რომ თანხები სწორად განაწილდეს, სწორად დაიხარჯოს და სწორი შედეგები მივიღოთ, აუცილებელია, რომ მათ პრიორიტეტებად გადანაწილებისა და განკარგვასთან დაკავშირებული პროცესები საჯაროობისა და მონაწილეობის პრინციპების დაცვით წარიმართოს.
ინფორმაციის თავისუფლება ფუნდამენტური უფლებაა. ნებისმიერ მოქალაქეს უნდა ჰქონდეს უფლება, მიიღოს ინფორმაცია გამოყოფილი დახმარებების შესახებ. მნიშვნელოვანია, რომ ამ დახმარებების განაწილება და ხარჯვა საზოგადოების მონიტორინგის ქვეშ მიმდინარეობდეს. სწორედ ამ საკითხზე – საქართველოსთვის გამოყოფილი თანხების განკარგვის გამჭვირვალობის მექანიზმებზე იმსჯელეს მრგვალი მაგიდის ორგანიზატორმა და მონაწილე ორგანიზაციებმა.
ორგანიზატორმა ორგანიზაციებმა ასევე გაავრცელეს ერთობლივი განცხადება ”საქართველოსთვის გამოყოფილი საერთაშორისო დახმარების პრიორიტეტების მიხედვით განაწილებისა და მათი განკარგვის გამჭირვალობის შესახებ”.
შეხვედრას ესწრებოდნენ დიპლომატიური კორპუსის, საერთაშორისო ორგანიზაციების, ადგილობრივი არასამთავრობო ორგანიზაციებისა და მედიის წარმომადგენლები.

ღონისძიება განხორციელდა ეუთოსა და ღია საზოგადოების ინსტიტუტის ფინანსური მხარდაჭერით
იხილეთ მიმაგრებული დოკუმენტები:
    * საქართველოს სამოქალაქო საზოგადოების განცხადება.

2007 წელი

2007 წელს საქართველოს ახალგაზრდა იურისტთა ასოციაციამ ინფორმაციის თავისუფლების საერთაშორისო დღე აღნიშნა ქვეყნის რვა რეგიონში, ესენია: თბილისი, რუსთავი, თელავი, დუშეთი, გორი, ქუთაისი, ოზურგეთი და ბათუმი.

ზემოთ აღნიშნულ რეგიონებში ინფორმაციის თავისუფლების საერთაშორისო დღე სხვადასხვა ფორმით აღინიშნა, ჩატარდა შეხვედრები, მრგვალი მაგიდები, აქციები, დარიგდა სპეციალური საინფორმაციო ფურცლები და სხვა.
დედაქალაქში ახალგაზრდა იურისტთა ასოციაციამ 28 სექტემბერი ჟურნალისტთა ფორუმით აღნიშნა, რომელშიც მონაწილეობას იღებდა 60 ჟურნალისტი როგორც თბილისიდან, ასევე რეგიონებიდან. ფორმუმზე განხილულ იქნა საქართველოში ინფორმაციის ხელმისაწვდომობასთან დაკავშირებით არსებული პრობლემები და ოფიციალურ დოკუმენტთა ხელმისაწვდომობაზე კონვენციის პროექტში არსებული ხარვეზები. ამავე დღეს მონაწილეებმა საჯაროდ მოაწერეს ხელი არასამთავრობო ორგანიზაციათა მიმართვას ადამიანის უფლებათა საორგანიზაციო კომიტეტის ოფიციალურ დოკუმენტთა ხელმისაწვდომობაზე მომუშავე სპეციალისტთა ჯგუფის მიმართ. აღნიშნული მიმართვა ემსახურებოდა ოფიციალურ დოკუმენტთა ხელმისაწვდომობაზე კონვენციის პროექტში არსებული ხარვეზების გამოსწორებას.
იხილეთ მიმაგრებული დოკუმენტები:
    * არასამთავრობო ორგანიზაციათა მიმართვა ადამიანის უფლებათა საორგანიზაციო კომიტეტის ოფიციალურ დოკუმენტთა ხელმისაწვდომობაზე მომუშავე სპეციალისტთა ჯგუფის მიმართ

2006 წელი

2006 წელს საქართველოს ახალგაზრდა იურისტთა ასოციაციამ საქართველოს სახალხო დამცველის ოფისთან და საქართველოს განათლებისა და მეცნიერების სამინისტროსთან ერთად აღნიშნა ინფორმაციის თავისუფლების საერთაშორისო დღე. 28 სექტემბერს საიას და სახალხო დამცველის ოფისის წარმომადგენლებმა საქართველოს რვა რეგიოში (თბილისი, რუსთავი, დუშეთი, გორი, თელავი, ქუთაისი, ოზურგეთი, ბათუმი) ჩაატარეს საჯარო გაკვეთილები ინფორმაციის თავისუფლების თემაზე და გაავრცელეს საიას მიერ შექმნილი გაკვეთილების ცხრილი.
ამავე დღეს, საქართველოს ახალგაზრდა იურისტთა ასოციაციამ ყველა რეგიონული ოფისის თანამშრომლებს, წევრებსა და დაინტერესებულ პირებს შორის გამოკითხვა ჩაატარა, რაც ყველაზე გამჭვირვალე/არაგამჭვირვალე საჯარო დაწესებულებების, აგრეთვე, იმ საჯარო მოხელეების გამოვლენას ისახავდა მიზნად, რომლებიც ეფექტურად/არაეფექტურად იყენებენ ინფორმაციის თავისუფლების პრინციპებს. გამოკითხვამ გამოავლინა გამარჯვებულები შემდეგ ნომინაციებში:
    * ყველაზე გამჭვირვალე საჯარო დაწესებულება: საქართველოს ფინანსთა სამინისტრო;
    * ყველაზე არაგამჭვირვალე საჯარო დაწესებულება: საქართველოს შინაგან საქმეთა სამინისტრო; საქართველოს თავდაცვის სამინისტრო;
    * ყველაზე ეფექტური საჯარო დაწესებულება: საქართველოს ფინანსთა სამინისტრო; საქართველოს განათლების სამინისტრო; საქართველოს მთავრობის კანცელარია;
    * ყველაზე არაეფექტური საჯარო დაწესებულება: საქართველოს შინაგან საქმეთა სამინისტრო; საქართველოს თავდაცვის სამინისტრო; საქართველოს იუსტიციის სამინისტროს სასჯელაღსრულების დეპარტამენტი;
    * ყველაზე საუკეთესო ვებ გვერდი საჯარო ინფორმაციის განთავსებისა და განახლების დონით: საქართველოს იუსტიციის სამინისტრო; საქართველოს განათლების სამინისტრო; საქართველოს მთავრობის კანცელარია;
    * საუკეთესო საჯარო ინფორმაციის გაცემაზე პასუხისმგებელი პირი: ეკატერინე თავდგირიძე, საქართველოს ფინანსთა სამინისტრო;
    * ყველაზე ცუდი ინფორმაციის გაცემაზე პასუხისმგებელი პირი: ნინო გუჩაშვილი, იუსტიციის სამინისტრო;
    * ჟურნალისტი, რომელიც ყველაზე ეფექტურად იყენებს ინფორმაციის თავისუფლების პრინციპებს: ლადო მენაბდე, გაზეთი “გურიის მოამბე” (ოზურგეთი);
    * ინფორმაციის თავისუფლებასთან დაკავშირებული საუკეთესო საგაზეთო სტატია: ია ანთაძე გაზეთი “24 საათი”;
    * არასამთავრობო ორგანიზაცია, რომელიც ყველაზე ეფექტურად იყენებს ინფორმაციის თავისუფლების პრინციპებს: საქართველოს დემოკრატიული განვითარების კავშირი (ქ. ოზურგეთი); სამოქალაქო განვითარების სააგენტო (ქ. რუსთავი);
    * ყველაზე უცნაური და აბსურდული პასუხი საჯარო ინფორმაციის მოთხოვნაზე საჯარო დაწესებულებიდან: გურიის შრომის, ჯანმრთელობისა და სოციალური დაცვის რეგიონალური დეპარტამენტის უფროსმა საჯარო ინფორმაციის გამოთხოვის განცხადების პასუხად ძალადაკარგულად ცნო საქართველოს შრომის, ჯანმრთელობისა და სოციალური დაცვის მინისტრის ბრძანება;
იხილეთ მიმაგრებული დოკუმენტი:
    * გაკვეთილების ცხრილი

ინფორმაციის თავისუფლების საერთაშორისო დღე დაარსდა და პირველად აღინიშნა 2003 წლის 28 სექტემბერს ბულგარეთში. მას შემდეგ, ეს დღე ყოველწლიურად არერთ ქვეყანაში აღინიშნება. საქართველოში ინფორმაციის თავისუფლების საერთაშორისო დღე პირველად 2005 წელს აღინიშნა საქართველოს ახალგაზრდა იურისტთა ასოციაციის მიერ. კერძოდ, სწორედ 2005 წლის ივლისში ჩაეყარა საფუძველი ანტიკორუფციულ კამპანიას “საქართველოს მთავრობა თაკარა მზის ქვეშ”.

მიიღეთ მონაწილეობა ინფორმაციის თავისუფლების საერთაშორისო დღის პოპულარიზაციაში, რაც შეიძლება მეტ ადამიანს შეატყობინეთ მისი არსებობისა და მნიშვნელობის შესახებ. გაავრცელეთ ეს ინფორმაცია ინტერნეტით და თქვეს ხელთ არსებული სხვადასხვა საშუალებით.

თუ გსურთ უფრო მეტი შეიტყოით იმის შესახებ, როგორ შეგიძლიათ შეუწყოთ ხელი ინფორმაციის თავისფულების საერთაშორისო დღის პოპულარიზაციას, ჩამოტვირთეთ:

*	საინფორმაციო ფურცელი.

კამპანია აღიარე ჩემი უფლება

ინფორმაციის თავისუფლების კვირეულის ფარგლებში 2008 წლის 1 აგვისტოს ახალგაზრდა იურისტთა ასოციაციისა და ბრიტანულ-ქართული პროფესიული ქსელის (UGPN) მიერ ორგანიზებულ იქნა საჯარო დისკუსია “ოფიციალურ დოკუმენტთა ხელმისაწვდომობის შესახებ” ევროპის კონვენციის პროექტთან დაკავშირებით. დისკუსიაში მონაწილეობდნენ ევროპის საბჭოში საქართველოს დელეგაციის წარმომადგენლები ჩიორა თაქთაქიშვილი, მაგდა ანიკაშვილი, და დელეგაციის ხელმძღვანელის – ბატონ პეტრე ცისკარიშვილის წარმომადგენელი, საქართველოს იუსტიციის მინისტრის პირველი მოადგილე – ქალბატონი მაია კოპალეიშვილი, საქართველოს უზანაესი სასამართლოს წევრი – ქალბატონი ნათია წკეპლაძე, საქართველოს იუსტიციის სამინისტროს საერთაშორისო საჯარო სამართლის დეპარტამენტის უფროსი – ბატონი შალვა კვინიხიძე, საქართველოს სახალხო დამცველის ოფისის წარმომადგენლები - ქალბატონი სალომე ვარდიაშვილი და გიორგი მშვენიერაძე, ასევე სხვა საჯარო მოხელეები, ექსპერტები და დაინტერესებული პირები. შეხვედრაზე განხილულ იქნა კონვენციის მიღების მოსალოდნელი შედეგები და მისი გავლენა საქართველოს კანონმდებლობაზე, ასევე გავრცელდა საქართველოს ახალგაზრდა იურისტთა ასოციაციის წერილი საქართველოს პარლამენტის წევრების მიმართ, რომელშიც ხაზგასმული იყო უფრო ძლიერი კონვენციის მიღების აუცილებლობა.
იხილეთ მიმაგრებული დოკუმენტები:
    * ევროპის საბჭოს კონვენციის პროექტი ინგლისურ ენაზე.

ინფორმაციის თავისუფლება, როგორც ადამიანის ფუნდამენტური უფლება პირველად 2006 წელს აღიარა ინტერ-ამერკულმა სასამართლომ, საქმეში “კლოდ რეისი ჩილეს წინააღმდეგ”. ამჯერად ინფორმაციის თავისუფლების ადამიანის ფუნდამენტურ უფლებად ცნობის საკითხი აქტიურად განიხილება ევროპის მასშტაბით.
ევროსაბჭო მუშაობს ოფიციალურ დოკუმენტთა ხელმისაწვდომობის კონვენციის შექმნაზე, თუმცა კონვენციის პროექტი საკმაოდ ვიწროა და არ ითვალისწინებს პარლამენტის, სასამართლოების, ადმინისტრაციული ფუნქციის განმახორციელებელი კერძო პირების გამჭვირვალეობის საკითხს. ამ და სხვა მრავალი ხარვეზის გათვალისწინებით კონვენციის არსებული ფორმით მიღება გამოიწვევს მრავალ ქვეყანაში დღეისათვის არსებული გამჭვირვალეობის სტანდარტის დაბლა დაწევას და საჯარო დაწესებულებათა საქმიანობის დახურულობას შეუწყობს ხელს.
2008 წლის 9 სექტემბერს კონვენციის პროექტს განიხილავს ევროპის საბჭოს საპარლამენტო ასამბლეა, ხოლო მოგვიანებით კონვენციის პროექტი განსახილველად საპარლამენტო ასამბლეის მინისტრთა კომიტეტს გადაეცემა.
მსოფლიოს მრავალი ორგანიზაცია მობილიზებულია, რათა პროექტის განმხილველი ორგანოების ყურადღება გაამახვილოს კონვენციის პროექტის ხარვეზებზე და მოუწოდოს გამჭვირვალეობის უფრო მაღალი სტანდარტის დანერგვისაკენ.
აღნიშნული მიზნის მისაღწევად 2007 წელს მრავალი არასამთავრობო ორგანიზაციის და კერძო პირის მიერ ხელი მოეწერა მიმართვას კონვენციის პროექტზე მომუშავე გჯუფის მიმართ. ამჟამად კი, ევროპის სხვადასხვა ქვეყნების არასამთავრობო ორგანიზაციები ცდილობენ კონვენციის ხარვეზებზე საპარლამენტო ასამბლეის დელეგატების ყურადღება გაამახვილონ.
საქართველოდან აღნიშნულ კამპანიაში აქტიურად არის ჩართული საქართველოს ახალგაზრდა იურისტთა ასოციაცია.
2008 წლის 26 მარტს სტრასბურგში ევროპის საბჭოს ადამიანის უფლებათა მთავარმა ორგანომ (CDDH) განიხილა კონვენციის პროექტი. აღნიშნულ შეხვედრაზე საქართველოს დელეგაციამ არ დაუჭირა მხარი პროექტის არსებული ფორმით მიღებას, რაც საკმაოდ მნიშვნელოვან წინ გადადგმულ ნაბიჯად შეიძლება ჩაითვალოს.
ამჟამად, ევროპის საბჭოს საპარლამენტო ასამბლეაში საქართველოს დელეგატები არიან:
    1. ლაშა ჟვანია - (995 32) 28 15 55;
    2. პეტრე ცისკარიშვილი - (995 32) 28 12 14;
    3. ჩიორა თაქთაქიშვილი - (995 32) 28 15 69;
    4. გოკა გაბაშვილი - (995 32) 28 12 83;
    5. გიორგი თარგამაძე - (995 32) 28 12 96;
    6. დავით დარჩიაშვილი - (995 32) 28 17 08;
    7. მიხეილ მაჭავარიანი - (995 32) 28 11 25;
    8. აკაკი მინაშვილი - (995 32) 28 12 39;
    9. გიორგი კანდელაკი - (995 32) 28 26 12;
    10. მაგდა ანიკაშვილი - (995 32) 28 42 06;

მინისტრთა კომიტეტში საქართველოს წარმომადგენელი არის გრიგოლ ვაშაძე.
მის: ჩიტაძის ქ. ¹4, თბილისი, 0118, საქართველო
ტელ: (995 32) 284 747
ფაქსი: (995 32) 284 678
მეილი: inform@mfa.gov.ge

დანართი:
    • კონვენციის შესახებ ინფორმაცია
    • საიას წერილი დელეგატების მიმართ

კამპანიის შესახებ დეტალური ინფორმაცია განთავსებულია პორტალზე www.recognisemyright.info